|
کریکت کریکت ۱۱ نفردن عبارت ۲ کومان‌دا آراسین‌دا، چوبوق و توپ کمکی ایله، مرکزین‌ده ۲۰ متر (۲۲ یارد) اوزونلوغون‌دا دوزبوجاق‌لی بیر ساحه اولان اووال بیر مکان‌دا اوینانان بیر کومان‌دا اویونودور. دوزبوجاق‌لی ساحه‌نین بیر اوجون‌دا یئر آلان آتیجی وضعیتین‌ده‌کی کومان‌دانین اویون‌چوسو توپو، ووروجو مؤوقئیین‌ده‌کی کومان‌دا اویون‌چوسونون اولدوغو دیگر اوجا دوغرو آتاراق، ووروجونون آرخاسین‌دا اولان قالا بنزری قورغویا (wicket) دی‌دیرمه‌یه، ووروجو ایسه گلن بو توپون قورغویا دیمه‌سینه مانعه تؤرتمک اۆچون علین‌ده‌کی چوبوق کمکی ایله توپا وورماغا چالیشار. موفقیت‌لی بیر ووروشون آردین‌دان آتیجی کومان‌دا اویون‌چولاری توپو توتماغا چالیشارکه‌ن، ساحه‌ده یئر آلان ووروجو دا قارشی‌سین‌داکی قورغویا دوغرو قاچار. توپ، اویون ساحه‌سی خاریجینه چیخمادان توتول‌سا 'ران' آدی وئریله‌ن اددلردن ۱، اویون ساحه‌سی خاریجینه چیخارسا ۴، یئره هئچ دیمه‌دن اویون ساحه‌سی خاریجینه چیخارسا ۶ خال قازانار و ووروجو مؤوقئیین‌ده ایک‌ن ان چوخ ادده چاتماغا چالیشار. آتیجی کومان‌دا ایسه توپو قورغولاردان هر هان‌سی بیرینه دی‌دیره‌رک، قارشی‌لانان توپو یئره دیمه‌دن توتاراق و یا بعضی موستسنا حاللاردا ووروجولاری اویون خاریجین‌ده قویماغا چالیشار. اویون خاریجین‌ده قالان اویونچونون یئرینه باشقا بیر اویون‌چو گیررکه‌ن، آتیجی کومان‌دا ایسه 'اووئر' آدی وئریله‌ن هر آلتی آتیش‌دان بیر آتیجی‌سینی دییش‌دیرمک مجبوریتین‌ده‌دیر.  بئینلخالق کریکت موسابیقه‌لرین‌ده ایستیفاده ائدیله‌ن اوچ اساس فورمات واردیر. تووِنتی (Twenty 20) فورماتینا گؤره هر ایکی کومان‌دا دا ۲۰ اووئر حیاتا کئچیریر و ایلک ۲۰ اووئر رئاللاشدیریلماسین‌دان سونرا کومان‌دالارین روللاری دییشیر. ۱۰ ووروجونون اویون خاریجین‌ده قالماسی وضعیتین‌ده ایسه ۲۰ اووئر حیاتا کئچیریلمه‌سه بئله کومان‌دالارین روللاری دییشیر. بو ایکی دؤوره‌لیک قیسمین هر بیرینه 'ایننینقس' آدی وئریلمک‌ده‌دیر. بیر گونلوک ماتچ فورماتین‌دا ایسه ایکی کومان‌دا ۵۰ اووئر حیاتا کئچیریر. بئش گون داوام ائدن تئست فورماتین‌داکی بیر ماتچ‌دا ایسه هر ایکی کومان‌دانین ایکی ایننینقس حاقی واردیر و بو ایننینقس ایچین‌ده اووئر مهدودلاش‌دیرماسی یوخ‌دور. سون ایننینقس‌ده ووروجو مؤقع‌ده‌کی کومان‌دا، رقیبینین توپلام رانینا چاتا بیلممیش‌سه، آراداکی ران فرقینه باخیلیر و داها چوخ رانی اولان کومان‌دا، آراداکی فرق قدر رانلا قازانمیش اولور. ماتچین سونون‌دا ووروجو مؤوقئیین‌ده‌کی کومان‌دا، رقیب کومان‌دانین ران سایینی کئچمیش‌سه، اون سایین‌دان ماتچ داخیلین‌ده الده ائتدیی قورغو سایی (wicket) چیخاریلیر و قالان نتیجه قدر wicket ایله مات‌چی قازانمیش اولور. کومان‌دالارین الده ائتدیی خاللار رون/wicket شکلین‌ده گؤستریلمک‌ده‌دیر. قایناقلار |