|
سالوادور دالی
سالوادور دالی (تام آدی سالوادور فلیپه ژاسینتو دالی دومنککاتالانجا: Salvador Domènec Felip Jacint Dalí i Domènech, Marqués de Dalí de Púbol, ایسپانجا: Salvador Domingo Felipe Jacinto Dalí i Domènech, Marqués de Dalí y de Púbol؛ ۱۱ مئی ۱۹۰۴ – ۲۳ ژانویه ۱۹۸۹) — مشهور ایسپانیا رسّامی، هیکلتراشی، فیلوسوفو و یؤنئتمن، تصویری اینجه صنعت‌ده سوررئالیزم جریانینین ان مشهور نماینده‌لریندن بیری. حیاتی سالوادور دالی ۱۱ مئی ۱۹۰۴-جو ایلده ایسپانیانین شیمالین‌داکی ژرونا ایالتی‌نین فیقراس شهرینده دوْغولوب. تصویری اینجه صنعته ماراغی اۇشاق یاشلاریندا بلدییه اینجه صنعت مکتبینده اوْخویارکن یارانمیش‌دیر. ۱۹۱۴-۱۹۱۸-جی ایللرده ماریستلر اوْرد‌نینه مخصوص مکتب‌ده تربییه آلمیشدیر. ۱۹۱۶-جی ایلده یای تعطیلینی آرالیق دنیزی ساحلینده یئرلَشن کاداکس شهرینده کئچیریر. بۇرادا اوْ، ایلک دفعه مودرنیست اینجه صنعت‌له تانیش اوْلور و چوْخ سودیی بۇ شهر اوْنون گله‌جک یارادیجیلیغیندا اؤزل یئر تۇتور. ۱۹۱۹-جو ایلده دالینین ایلک شخصی سئرگی سی تشکیل اوْلونور. ۱۹۲۱-جی ایلده آتاسی اوْنو مادریده سان-فرناندو اینجه صنعت آکادمیسینا اوْخوماغا گؤندریر. بۇرادا دالی لویس بونیول، فدریکو قارسیا لورکا، پدرو قرافیاس و ایسپانیا اینجه صنعتی‌نین دیگر نماینده‌لری ایله تانیش اوْلور. بۇ دؤورده دالی کوبیزم و دادایزم جریانلارینا مئیل گؤستریر. ۱۹۲۶-جی ایلده معلملره قارشی سایمازیانا موناسیبته گؤره اوْ، اینجه صنعت آکادمیسیندان خاریج اوْلونور. اله همین ایل پاریسده پیکاسو ایله تانیش اوْلور. ۲۰-جی ایللرین سوْنلاریندا اؤز ایستیلینی تاپماق اۆچون پیکاسو و هوان میرونون ائتکیسی آلتیندا بیر سیرا اثرلر یارادیر. ۱۹۲۹-جی ایلده لویس بونیولین چکدیی "اندلوس کؤپه یی" ("اۇن جهین آندالوو") فیلمی‌نین سناریسینی یازیر. تخمیناً همین دؤورده اؤز گله‌جک حیات یوْلداشی و همین دؤورده فرانسه شاعری پول الوارین خانیمی اوْلان قالا ایله تانیش اوْلور. ۱۹۲۹-جو ایلده اوْ، آندره برتون طرفیندن تشکیل اوْلونموش سوررالیستلر دسته‌سینه قوْشولور. ۱۹۳۴-جو ایلده دالی قالا ایله غئیری-رسمی نیگاه باغلاییر (یالنیز ۱۹۵۸-جی ایلده اوْنلار رسمی نیگاها داخیل اوْلورلار). اله همین ایل دالی آمریکا بیرلشمیش ایالتلری-آ ایلک دفعه سفر ائدیر. ۱۹۳۶-جی ایلده فرانسیسکو فرانکونون باشلاتدیغی و تئزلیک‌له ایسپانیا وطنداش ساواشینه چوریلن ساواش مۆناقیشه سالوادور دالی ایله اوْنون اساساً سوْل‌چو دۆشونجه‌لره مالیک اوْلان سوررالیست یوْلداشلاری آراسیندا فیکیر آیری‌لیغینا سبب اوْلور. دالی بۇ دسته‌دن خاریج ائدیلیر، بۇنا جواب اوْلاراق اوْ، "سوررالیزم منم" فیکرینی سؤیلییر. ۱۹۴۰-جی ایلده دالی حیات یوْلداشی قالا ایله بیرلیکده آمریکا بیرلشمیش ایالتلری-آ کؤچور و ۱۹۴۸-جی ایلدک اوْرادا یاشاییر. ۱۹۴۲-جی ایلده اوْ، "سالوادور دالینین گیزلی حیاتی" آدلی آوتوبیوقرافیک اثرینی نشر ائتدیریر. ۱۹۴۹-جو ایلدن دالی چوْخ سودیی کاتالونیادا مسکونلاشیر. اوْنون فرانکو رژیمی دؤورونده ایسپانیادا یاشاماق قرارینا گلمه‌سی بیر چوْخلاری طرفیندن تنقی‌ده معروض قالمیش‌دی. ۱۹۸۱-جی ایلدن دالی‌ده پارکینسون خسته‌لییینین علامتلری اؤزونو گؤسترمه‌یه باشلاییر. ۱۰ ژۇئن ۱۹۸۲-جی ایلده قالا وفات ائدیر. بۇ دالییه چوْخ آغیر ائتکی گؤستریر و اوْنون حیاتا باغلی‌لیغینی آزال‌دیر. همین دؤورده دالی فیقراس‌دان کؤچه‌رک قالا اۆچون آلدیغی پوبول قصرینده یاشاماغا باشلاییر. ۱۹۸۴-جو ایلده اوْنون یاتاق اوْتاغیندا موممالی شکیل‌ده یانغین باش وئریر. بعضیلری بۇنو دالینین اینتیحار جهدی کیمی قیمتلن‌دیریرلر. لاکین خیدمت‌چیلری اوْنو خلاص ائده بیلیرلر. بۇندان سوْنرا اوْ، یئنی‌دن فیقراسا قایی‌دیر و عؤمرونون قالان حیصّه سینی اؤز آدینی داشییان تئاتر-موزه ییده یاشاییر. ۱۹۸۸-جی ایلین نوْامبریندا دالی اینفارکت(سکته) کئچیریر و خسته خانایا یئرله‌شدیریلیر. [[۵ دسامبر |دسامبر ین ۵-ده]] کرال هوان کارلوس اوْنو زیارت ائدیر. سالوادور دالی ۲۳ ژانویه ۱۹۸۹-جو ایلده اؤز تئاتر-موزه ییینده چوْخ سودیی "تریستان و ایزول‌دا" اوْپراسینی (ریخارد واقنر) دینلیرکن اۆرک چاتیشمازلیغین‌دان وفات ائتمیشدیر. دالی حیاتی بوْیونجا ۱۵۰۰-دن چوْخ رسم اثری چکمیش، اوْنلارلا هیکل‌له برابر، داش اۆزرینده مۆختلیف سبک لی اثرلر یاراتمیش، کیتاب رسیملری، تئاتر دکورلاری و گئییملارین مؤلفی اوْلموش‌دور. ۱۹۹۴-جو ایلده ایستانبولدا آرت فایر سئرگی سینده و ۲۰۰۱-جی ایلده بروکسلده بینلخالق کونستبورس سئرگی سینده آذربایجان‌لی رسّام ساکیت محمّداوفلا بیرلیکده رسم اثرلری سئرگیلنمیش‌دیر. قالریخاریجی کئچیدلر
|
||||||||||||||
_08.jpg)
