|
مارکو پولو
مارکو پولو (۱۵ سپتامبر ۱۲۵۴ - ۸ ژانویه ۱۳۲۴)، ایتالیا سیاحتچی‌سی. مارکو پولو ایتالیادان مرکزی شرق و اوْرتا آسیا یوْلو ایله چینه گئتمیش‌دیر. مارکو پولو باکی نفتی‌نین یاخین شرق اؤلکه‌لرینه آپاریلماسیندان سؤز آچمیش، هابه‌له شاماخی و برده‌نین ایپک ممولاتلارینین گؤزللیینی وورغولامیش‌دیر. ۱۳-یوز ایل اوْرتالاریندان اعتباراً آوروپالیلارین جوغرافی تفکّور دایره‌سی گئنیشلنمه‌یه باشلامیشدی. بعضی آوروپا تاجیرلری شرق‌له تیجارته جان آتیردیلار. بۇنا مثال اوْلاراق ایتالیا سیّاحی و یازیچی سی مارکو پولونون منسوب اوْلدوغو ونیز تاجیرلری‌نین پولو عائله‌سینی گؤسترمک اوْلار. آتاسینی و عمی‌سینی مۆشایعت ائدن مارکو ۱۲۷۱-جی ایلده آرالیق دنیزی ساحللرین‌ده‌کی آکا شهرین‌دن یوْلا دۆشه‌رک هؤرموزه گلیر و اوْرادان کاروانلا مرکزی آسیانین صحرالاریندان و داغلاریندان کئچه‌رک اۇزون آیلار یوْل گئتدیک‌دن سوْنرا ۱۲۷۵-جی ایلده شیمالی چینه گلیب چیخیر. مارکو پولو مرکزی آسیا ویلایتینده و چین کیمی بؤیوک دؤولت‌ده اوْلموش ایلک آوروپالی حساب اوْلونور. اوْنون عائله‌سی تام ۱۷ ایل بۇ قدیم دیارین مۆختلیف ایالتلرینی گزمیش، اوْنون بؤیوک خانی اوْلموش کوبیلایین (چینگیز خانین نوه‌سی) حؤرمتینی قازانمیش، تیجارت‌له مشغول اوْلموش‌دور. گئرییه داها تهلوکه‌سیز حساب اوْلونان دنیز یوْلو ایله قاییتمیش‌دیر. مارکو پولونون ۱۴ گمی‌دن عبارت دونانماسی ۱۲۹۲-جی ایلده زیتون (هازیرکی تیانچژوو) لیمانین‌دان یوْلا چیخیر. هر یئرده آسیانین شرق و جنوب ساحللرینه یاخین اۆز‌رک هیند-چینین و سری-لانکانین یانین‌دان کئچیب هؤرموزه گلیرلر. یالنیز ۱۲۹۵-جی ایلده پولونون عائله‌سی بؤیوک واریداتلا ونیزیا قایی‌دیر. قایناقلار  |
||||||||||||||||||||||
