|
ژان پول سارتر
ژان-پوْل سارتر (فر. Jean-Paul Charles Aymard Sartre) ایگیرمی عصر فرانسه‌لی فیلسوْفو، یازیچی و دراماتورق، اگزیستانسیالیست ادبی-فلسفی جریانین یارادیجیلاریندان بیریدیر. ۱۹۶۴-جو ایلده نوبل ادبیات اؤدولونه لاییق گؤرونسه‌ده، اونو آلماقدان ایمتیناع ائتدی. یاشاییشیژان-پوْل شارل آیمارد سارتر دنیزچی-مۆهندیس ژان باتیست سارترین عاییله‌سی‌نین یئگانه اؤولادی کیمی دوْغولموشدو. آناسی آنن-ماری شویتسر مشهور آلمان هۇمانیستی، نوْبل اودولو آلبرت شویتسرین قارداشی قێزی ایدی. بیر یاشیندا آتاسینی ایتیرن ژان-پوْل آنا باباسی، پروْفسوْر-گرمانیست شارل شویتسرین حیمایه‌سینده بؤیوموشدو. نوه‌سی‌نین ایستعدادینی گؤرن شارل شویتسر اوْنو مکتبدن چێخارمیش، ائوده خۆصوصی مۆعللیملردن تحصیل آلماسی اۆچون شرایط یاراتمیشدی. ۱۹۱۷-جی ایلده آناسی یئنیدن اره گئدنده و اوْنو اؤز یانینا – فرانسه‌نین جنوبونا آپاراندا ژان-پوْل بۇندان عمللی-باشلی سارسینتی کئچیرمیشدی. ۱۹۲۰-جی ایلده پاریسه قاییتدیقدان سوْنرا دؤرد هنریش دبیریستانیندا تحصیلینی داوام ائتدیرمیشدی. ایلک شعرلری ده همین دؤورده مطبوعاتدا درج اوْلونموشدو. ژان-پوْل سارتر ۱۹۲۹-جۇ ایلده اکوْل نوْرمال سۆپریری بیرینجی درجه‌لی دیپلوْملا باشا وۇرموشدو. بۇ، دبیریستان و بیلیم یوردلاردا مۆعللیملیک حۆقوقو وئریردی. حربی خیدمتدن سوْنرا اوْ، قاور دبیریستانیندا چالیشمیش، ۱۹۳۳–۱۹۳۴-جۆ ایللرده ایسه آلماندا، ائدموند قۇسسلر و مارتین هایدگر کیمی تانینمیش فیلسوْفلارین یانیندا تجروبه کئچمیشدی. ۱۹۳۷-جی ایلدن اعتباراً مۆعللیملیک فعالیتینی پاریسده داوام ائتدیرمه‌یه باشلامیشدی. ایلک بدیعی اثرینی – «اۆرک بۇلانماسی» روْمانینی سارتر حیاتی‌نین قاور دؤورونده یازسا دا، یالنیز ۱۹۳۸-جی ایلده نشر ائتدیرمیشدی. عئینی ایلده «نۇول ریویو فرانسز» درگیسینده «دیوار» نوْوللاسی چاپ اوْلونموشدو. هر ایکی اثر فرانسه‌ده اورتاق نظرله ایلین کیتابی نامزدی غالیبی آدینی قازانمیشدی.
گؤرونتولرقایناقلار |
||||||||||||
.JPG)
