Google Chrome

Google Chrome
Выява лагатыпа
Тып браўзер
Аўтар Google
Распрацоўшчык Google
Напісана на C++
Інтэрфейс GTK[d] і Cocoa[d]
Аперацыйная сістэма Windows, Linux і macOS
Мовы інтэрфейсу
Першы выпуск 2 верасня 2008[9]
Апошняя версія
  • Windows: 151.0.7922.138 (11 жніўня 2026)[1]
  • Linux: 151.0.7922.137 (11 жніўня 2026)[2]
  • Android: 151.0.7922.137 (11 жніўня 2026)[3]
  • IOS: 152.0.7977.40 (12 жніўня 2026)[4]
Бэта-версія
  • Android: 152.0.7977.42 (12 жніўня 2026)[5]
  • Windows: 152.0.7977.42 (12 жніўня 2026)[6]
  • IOS: 152.0.7977.41 (12 жніўня 2026)[7]
Тэставая версія
Рэпазіторый github.com/googlechrome
Стан У актыўнай распрацоўцы
Ліцэнзія бясплатнае праграмнае забеспячэнне[d][10]
Сайт google.com/chrome/ (англ.)
Лагатып Вікісховішча Медыяфайлы на Вікісховішчы

Google Chrome (вымаўляецца гугл хром[11], ад англ.: chrome — хром) — кросплатформавы браўзер, які распрацоўвае кампанія Google на аснове свабоднага браўзера Chromium. Першая публічная бэта-версія для Microsoft Windows выйшла 2 верасня 2008 года, першая стабільная — 11 снежня 2008 года. Пазней былі выпушчаны версіі для Linux, macOS, iOS, а таксама для Android, дзе Chrome з’яўляецца прадвызначаным браўзерам. Таксама Chrome з’яўляецца асноўным кампанентам аперацыйнай сістэмы ChromeOS.

Спачатку для адлюстравання вэб-старонак выкарыстоўваўся рухавік WebKit, але з 2013 года Google карыстаецца ўласным рухавіком Blink на аснове Webkit; усе варыянты Chrome, акрамя версіі для iOS, цяпер выкарыстоўваюць Blink.

Па ацэнках StatCounter на снежань 2022 года Chrome займае 66 % долі сусветнага рынку браўзераў на персанальных камп’ютарах (пасля дасягнення піка ў 72,38 % у лістападзе 2018 года)[12], часцей за ўсё выкарыстоўваецца на планшэтах і смартфонах і складае 64 % на ўсіх платформах разам[13].

Гісторыя

Чуткі пра тое, што Google плануе стварыць вэб-браўзер, упершыню з’явіліся ў верасні 2004 года. Інтэрнэт-часопісы і амерыканскія газеты заявілі ў той час, што Google наймае былых распрацоўшчыкаў Microsoft. Гэта таксама адбылося неўзабаве пасля выпуску Mozilla Firefox 1.0, папулярнасць якога ўзрасла і забрала долю рынку ў Internet Explorer, у якога былі праблемы з бяспекай.

Распрацоўка браўзера пачалася ў 2006 годзе пад кіраўніцтвам Сундара Пічаі.[14]

Бэта-версія браўзера была ўпершыню публічна выпушчана 2 верасня 2008 года для Windows (XP і пазнейшых версій) з падтрымкай 43 моў інтэрфейсу, стабільная версія была выпушчана 11 снежня 2008 года.

Функцыянал

Асноўны інтэрфейс карыстальніка Chrome мае кнопкі «назад», «наперад», «абнавіць/адмяніць» і меню. Кнопка «Дадому» не паказваецца прадвызначана, але можа быць дададзена праз старонку налад, каб перавесці карыстальніка на старонку новай укладкі або дамашнюю старонку.

Укладкі з’яўляюцца асноўным кампанентам інтэрфейсу карыстальніка Chrome і знаходзяцца ў верхняй частцы акна, а не пад элементамі кіравання. Укладкі можна бесперашкодна пераносіць паміж вокнамі шляхам перацягвання. Кожная ўкладка мае свой уласны набор элементаў кіравання, уключаючы Omnibox.

Omnibox — гэта поле, якое спалучае ў сабе функцыі як адраснага радка, так і поля пошуку. Калі карыстальнік пачынае ўводзіць тэкст у Omnibox, Chrome дае ў якасці прапановы раней наведаныя сайты, папулярныя вэб-сайты на базе Google Instant (неабавязкова наведаныя раней), а таксама папулярныя пошукавыя запыты. Калі карыстальнік уводзіць у Omnibox ключавыя словы, якія не адпавядаюць ніводнаму раней наведанаму вэб-сайту, і націскае Enter, Chrome будзе праводзіць пошук з дапамогай прадвызначанай пошукавай сістэмы.

Chrome дазваляе карыстальнікам сінхранізаваць свае закладкі, гісторыю і налады на ўсіх прыладах з усталяваным браўзерам, адпраўляючы і прымаючы даныя праз выбраны ўліковы запіс Google. Аўтэнтыфікацыя можа праходзіць праз уліковыя даныя Google або парольную фразу.

Для вэб-распрацоўшчыкаў Chrome мае інспектар элементаў, які дазваляе карыстальнікам зазіраць у DOM і бачыць, з чаго складаецца вэб-старонка.

Пашырэнні браўзера падтрымліваюцца настольнай версіяй Google Chrome і распаўсюджваюцца праз інтэрнэт-краму Chrome. Яны напісаны з выкарыстаннем такіх вэб-тэхналогій, як HTML, JavaScript і CSS, і дадаюць новы функцыянал для старонкі. Пашырэнні могуць блакіраваць рэкламу і адсочванне карыстальніка (AdBlock  (англ.) (бел., Privacy Badger), захоўваць паролі карыстальніка (1Password, LastPass), захоўваць відэа з вэб-старонкі на камп’ютары карыстальніка (Video DownloadHelper) і іншае.

Функцыя прыватнага прагляду, гэтак званы «рэжым інкогніта», не дазваляе браўзеру захоўваць на камп’ютары карыстальніка любую інфармацыю пра гісторыю наведванняў, файлы cookie, даныя сайтаў або даныя, якія ўводзіліся ў формы. Спампаваныя файлы і закладкі пры гэтым захоўваюцца. Пры гэтым, дзейнасць карыстальніка немагчыма схаваць ад наведаных вэб-сайтаў або інтэрнэт-правайдэра.

Гл. таксама

Зноскі

  1. ↑ Stable Channel Update for Desktop — 2026. Праверана 11 жніўня 2026.
  2. ↑ Stable Channel Update for Desktop [Linux] — 2026. Праверана 11 жніўня 2026.
  3. ↑ Chrome for Android Update — 2026. Праверана 12 жніўня 2026.
  4. ↑ Chrome Stable for iOS Update — 2026. Праверана 12 жніўня 2026.
  5. ↑ Chrome Beta for Android Update — 2026. Праверана 12 жніўня 2026.
  6. ↑ Chrome Beta for Desktop Update — 2026. Праверана 12 жніўня 2026.
  7. ↑ Chrome Beta for iOS Update — 2026. Праверана 12 жніўня 2026.
  8. ↑ Extended Stable Updates for Desktop — 2026. Праверана 11 жніўня 2026.
  9. ↑ https://googleblog.blogspot.com/2008/09/google-chrome-now-live.html
  10. ↑ Google Chrome Terms of Service
  11. ↑ Часцей па-беларуску завецца фактычна перакладным варыянтам Гугл Хром, у той час як транскрыпцыйным варыянтам з’яўляецца Гугл Кроўм.
  12. ↑ Desktop Browser Market Share Worldwide (англ.). StatCounter Global Stats. Праверана 29 студзеня 2023.
  13. ↑ Browser Market Share Worldwide (англ.). Праверана 29 студзеня 2023.
  14. ↑ Larry Page has a reputation for pushing people at Google. (англ.). Business Insider (29 чэрвеня 2018). Праверана 29 студзеня 2023.

Спасылкі

Content Disclaimer

Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.

  1. The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
  2. There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
  3. It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
  4. Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
  5. Responsible use. Any risk arising from the use of information from this website is entirely the responsibility of the user.