Emgann Okinawa

emgann Okinawa

emgann

Rann eus	Volcano and Ryukyu Islands campaign, Eil Brezel-bed
Stad	Impalaeriezh Japan
E tiriad	prefeti Okinawa
Lec'h	Okinawa Islands, Sakishima Islands
Daveennoù douaroniel	26°30′0″N 128°0′0″E
Deiziad	1945
Deiziad kregiñ	1 Ebr 1945
Deiziad echuiñ	23 Mez 1945
Order of battle	Okinawa ground order of battle, Okinawa naval order of battle

Emgann Okinawa anavezet ivez dindan an anv Oberenn brezel Iceberg. Etre ar 1añ a viz Ebrel hag an 23 a viz Mezheven 1945 e oa c'hoarvezet emgann Okinawa, 82 devezh stourm taer etre soudarded Lu Impalaeriezh Japan harpet gant siviled hag an Amerikaned harpet gant lod soudarded ar Rouantelezh-Unanet.

Okinawa a zo lec'hiet en enezeier Ryukyu. Bet eo bet an dilestradeg brashañ e-kerzh Brezel ar Meurvor Habask hag an Eil Brezel-bed.

Pal ar Gevredidi a oa tapout Okinawa, rak ne oa nemet da 550 km eus ar vamm-vro Japan, evit sevel eno ur bazenn kirri-nij bombezerien. Gant ar bazenn-se e vije aeshaet a galz aloubadeg ar Vamm-vro Japan anavezet dindan an anv Oberenn brezel Downfall.

Pevar divizion troadegiezh lu Amerika an 10vet Arme (ar re 7, 27, 77, ha 96) gant sikour daou divizion an USMC (ar re 1añ hag ar 6vet) o deus bet kemeret perzh e Emgann Okinawa. An aloubadeg a oa harpet gant Bigi brezel, bigi dezougen ha kirri-nij brezel.

E-tal da gement-mañ ne oa nemet 32vet arme Lu Impalaeriezh Japan gant un nerzh a 67,000 pe 77,000 soudarded reoliek hervez mammennoù 'zo. 9,000 soudarded Morlu Impalaeriezh Japan e-kostez bazenn ar morlu e Oroku, nebeut kantadoù anezho bet stummet d'ar stourm doare troadegiezh. Tro 39,000 siviled a roas harp 24,000 dre emgannañ ha 15,000 dre labourioù difenn. 1500 liseidi a emezelas er "Strollad stourm youlek Houarn ha Gwad", ha 600 Kelenner ha studierez ar skol Himeyuri a savas ur strollad klañvdiourezed.

Tetsu no ame ("glav houarn") pe tetsu no bōfū ("glav kreñv houarn") e-kostez ar Japaniz, typhoon of steel ("korventenn houarn") e-kostez ar Gevredidi, setu lezanvioù Emgann Okinawa unan d'eus ar re gwadushañ e Brezel ar Meurvor Habask. Al lezanvioù-se a zo deuet dre feulster sod an emgann gouzañvet gant an holl a oa war al lerc'h.

• 
  Soudarded japaniz oc'h erruout en Okinawa
• 
  Studierezed japanat o laret kenavo d'ar gamikazed o tibradañ diouzh Okinawa
• 
  Tresadenn eus difennoù ar Japaned gant lu ar Stadoù-Unanet.
• 
  Ur c'hanol doare 89 150mm kuzhet en ur vougev
• 
  Kartenn eus aerborzhioù Okinawa, e 1945

Meur a argadenn Banzai a vezo e-pad Emgann Okinawa ha dre an holl doareoù.

Lu Impalaeriezh Japan a implijas e-leizh ar strategiezh Argadenn Banzai e-pad Emgann Okinawa. Abaoe Emgann plegmor Leyte e oa bet kroget an implij kirri-nij doare Kamikaze, amañ e vezo ar wech kentañ ma vefe un implij anat er strategiezh emgann japanat.

Etre dilestradeg an Amerikaned d'ar 1añ a viz ebrel hag ar 25 a viz Mae e vezo sevenet 7 gwagenn meur doare Argadenn Banzai gant 1,500 karr-nij Kamikaze.

110 000 Japanad a oa marv. Un hanter anezho hepken a oa soudarded e Lu Impalaeriezh Japan. A-hervez e vije 4 000 soudard hag a vije en em lazhet.

Ar siviled o vevañ en Okinawa a vez soñjet e vijent bet e-tro 300 000 anezho. Hervez enklaskoù al lu amerikan e vije bet aet 142 058 da anaon.

• 
  Koun-lec'h d'an 32vet rejimant Lu Impalaeriezh Japan
• 
  Dont-tre lec'h pennañ ha diwezhañ Lu Impalaeriezh Japan
• 
  Koun- lec'h mougev Chibichiri lec'h ma emlazhas ul lod bras a siviled ha soudarded a-raok bezañ prizoniet gant an Amerikaned.
• 
  Un aod lec'h ma tilestras an Amerikaned.
• 
  Urasoe ur menez 500 metrad uhelder, lec'h pennañ difenn Lu Impalaeriezh Japan

• Hacksaw Ridge, Mel Gibson, 2016

• Er ministirad The Pacific e vez ul lodenn hag a gont Emgann Peleliu.

• With the Old Breed, el levr buhez e vez kontet an emgann en ul lodenn dre daoulagad ar soudard ha skirvagner Eugene B. Sledge.

g • ka • ke Istor Bro-Japan Ragistor ha Henjapan Prantad paleolitek Japan • Marevezh Jōmon • Poblad Jōmon • Poderezh Jōmon • Marevezh Yayoi • Poblad Yayoi • Kuni-yuzuri * Marevezh Kofun Bro-Japan glasel (538-1185) Marevezh Asuka (Dezveg Taihō • Deroù ar voudaegezh) • Marevezh Nara (Kojiki • Nihon Shoki • Dōkyō) • Marevezh Heian (Brezel Zenkunen • Brezel Gosannen • Minamoto no Yoritomo • Genji Monogatari • Brezel Genpei) • Kannaderezh an Impalaer da Sina Japan c'hladdalc'hel (1185-1600) Marevezh Kamakura (Brezel Jōkyū • Minamoto no Yoritomo • Aloubadegoù ar Vongoled) • Marevezh Muromachi • Marevezh Azuchi-Momoyama (Kenwerzh Nanban • Aloubadeg Korea ha Mandchouria • Emgann Tenmokuzan) Marevezh Edo (1600–1868) Aloubadeg Ryukyu * Tokugawa Ieyasu • Tokugawa Iemitsu • Hasekura Tsunenaga * Ergerzhadenn Perry * Feur-emglev Kanagawa • Adsav Meiji • Brezel ar Boshin • Byakkotai • Emgann Shimonoseki Bro-Japan a-vremañ Impalaeriezh Bro-Japan (1868-1947) Oadvezh Meiji (1868–1912) • Oadvezh Taishō (1912–1926) • Oadvezh Shōwa (1926–1989) • Jules Brunet • Emsavadeg ar Vokserien • Brezel etre Japan ha Rusia (1904-1905) • Brezel Sina ha Japan (1937-1945) • Lazhadeg Nanjing • Brezel ar Meurvor Habask (1937-1945) • Pearl Harbor • Eil Brezel-bed • Midway • Guadalcanal • Saipan • Iwo Jima • Okinawa • Bombezadenn Tokyo (10 a viz Meurzh 1945) • Bombezadennoù atomek Hiroshima ha Nagasaki Japan abaoe 1947 Oadvezh Shōwa (1926–1989) • Oadvezh Heisei (1989-2019) • Oadvezh Reiwa (2019-2025) • Prosez Yokohama • Fuzuilhadegoù Zama ha Shibuya • Gwallzarvoud nukleel Fukushima I

Impalaeriezh Japan  –  An holl rummadoù ha pajennoù a-zivout Impalaeriezh Japan