|
Weimar
Weimar er ein by i Tyskland i delstaten Thüringen med om lag 65 000 innbyggjarar. Byen ligg nord for Thüringer Wald, aust for Erfurt og sørvest for Halle og Leipzig. Dei eldste dokumenta om byen går tilbake til 899. Weimar vart hovudstad i hertugdømet (etter 1815 storhertugdøme) Sachsen-Weimar.  Foto: Andreas Trepte Her budde mellom anna Johann Wolfgang von Goethe. Goethe sin venskap med Friedrich von Schiller i tida 1794 til Schiller døydde i 1805 er rekna å ha grunnleggjande tyding for tysk litteratur og kultur. Goethe sitt hus i Weimar er i dag eit museum. I 1999 var Weimar europeisk kulturhovudstad. Samstundes vart Goethe sin 200-årsdag feira med ei rad tilskipingar i Tyskland og andre stader. Weimar har mellom anna eit stort bibliotek frå 1691 kalla Herzogin-Anna-Amalia-Bibliothek. Delar av biblioteket vart den 3. september 2004 øydelagd av brann. Bibliokteket står i dag på UNESCO si verdsarvliste. HistorieTida 1919 til 1933 i tysk historie vert ofte referert til som Weimarrepublikken. Grunnlova til republikken vart vedteken i Weimar, den såkalla Weimargrunnlova. Berlin var for uroleg etter den tyske novemberrevolusjonen til at den tyske riksdagen ville møtast og drøfta dette der. Weimar var òg senter for Bauhaus-rørsla, og byen har ei rad kunstgalleri, museum, det tyske nasjonalteatret og Bauhaus-universitetet. Frå sommaren 1937 til etter andre verdskrig låg det ein konsentrasjonsleir i Buchenwald ved Weimar. Kjelder
Bakgrunnsstoff |
|||||||||||||||||||||||||||||||||||||
