Zábřeh

Tiu ĉi artikolo temas pri urbo en distrikto Šumperk. Eble vi serĉas Zábřeh (Ostrava) aŭ Zábřeh (Dolní Benešov).

Zábřeh
germane Hohenstadt
urbo
Vido al Zábřeha kastelo de sudokcidento el Havlíčkova-strato
Flago Blazono
Oficiala nomo: Zábřeh
Ŝtato	Ĉeĥio
Regiono	Regiono Olomouc
Distrikto	Distrikto Šumperk
Administra municipo	Zábřeh
Historia regiono	Moravio
Montaro	Zábřeha montetaro
Fervojstacio	Zábřeh na Moravě
- fervojlinio	n-ro 270
Memorindaĵoj	Zábřeh na Moravě kastelo, Preĝejo de sankta Bart., Preĝejo de sankta Barbaro
Rivero	Moravská Sázava
Situo	Zábřeh
- alteco	285 m s. m.
- koordinatoj	49° 52′ 55″ N 16° 52′ 29″ O / 49.88194 °N, 16.87472 °O / 49.88194; 16.87472 (mapo)
Areo	34,58 km² (3 458 ha)
Loĝantaro	13 444 (2024)
Denseco	388,78 loĝ./km²
Sulko	Mohelnica sulko
Unua skribmencio	1254
Horzono	MET (UTC+1)
- somera tempo	MET (UTC+2)
Poŝtkodo	789 01
NUTS 3	CZ071
NUTS 4	CZ0715
NUTS 5	CZ0715 541354
Katastraj teritorioj	5
Partoj de urbo	5
Bazaj setlejunuoj	20
Situo enkadre de Ĉeĥio
Vikimedia Komunejo: Zábřeh
Retpaĝo: www.muzabreh.cz
Portalo pri Ĉeĥio

Zábřeh [zAbrĵeĥ] (la katastra teritorio kaj la fervoja stacio portas nomon Zábřeh na Moravě) estas urbo kun 13 444 loĝantoj (2024), situanta en Ĉeĥio, en norda Moravio, en distrikto Šumperk, 9 km de urbo Šumperk.

La najbaraj municipoj de la setlejo estas Leština, Lesnice, Kosov, Jedlí, Hynčina, Jestřebí, Postřelmov, Rájec, Drozdov, Krchleby, Nemile, Rovensko kaj Svébohov.

La unua mencio estas el la jaro 1254. Zábřeh evoluis en monteto super la maldekstra bordo de rivero Moravská Sázava kiel vilaĝo kun gotika burgaro, pli malfrue kun burgeto de familio Tunkelidoj kaj post ili Boskovicidoj. Zábřeh fariĝis la urbo en la jaro 1289. La burgo estis alikonstruita en la 16-a jarcento al renesanca unuetaĝa kastelo, kiu estis pli malfrue barokigita kaj ĉirkaŭe fondita naturparko. Hodiaŭ la kastelo estas sidejo de urba oficejo. Paralelograma placo havas valoran domon nomata Pod Podloubím. El ekleziaj memorigaĵoj preĝejo de sankta Barbora havas pli malfruan gotikan kernon kaj turon kaj ĝi estis alikonstruita en la jaro 1773. Paroĥeja preĝejo de sankta Bartolomeo estis alikonstruita jam pli baldaŭ, nome en la jaroj 1750–1757. Mariana kolono antaŭ la kastelo estas el la jaro 1713. La urbo estas naskoloko de konata polusregiona esplorvojaĝisto Jan Welzl. En pasinteco estis en la urbo ĉefe teksindustrio, nun ankaŭ maŝinindustrio. Al evoluo de la urbo kontribuis fervojo.