Malita
municipo de la Filipinoj vd
Flago
Administrado
Lando	Filipinoj
Regiono	Davaa regiono
Provinco	Okcidenta Davao
Poŝtkodo	8012
En TTT	Oficiala retejo [+]
Demografio
Loĝantaro	118 438  (2024) [+]
Loĝdenso	134 loĝ./km²
Geografio
Geografia situo	6° 25′ N, 125° 37′ O (mapo)6.4145388888889125.61108888889Koordinatoj: 6° 25′ N, 125° 37′ O (mapo) [+]
Alto	197 m [+]
Areo	883,37 km² (88 337 ha) [+]
Horzono	UTC+08:00 [+]
DEC situo sur la insulo Mindanao
DEC situo en la Filipinoj
Alia projekto
Vikimedia Komunejo Malita, Davao Occidental [+]
v • d • r

Malita - tagaloge Bayan ng Malita - estas kvinaklasa, universitata urbego en Filipinoj, en insulo Mindanao, en la Davaa regiono, kie ĝi estas ĉefurbo de provinco Okcidenta Davao. La urbego konsistas el 30 distriktoj, inter ili nur tri estas urbaj distriktoj. Laŭ la popola etimologio la loknomo devenas de la hispana vorto "maleta" signifanta valizon. Malita estas konata pro diversaj kulturaj heredaĵoj kaj triboj. La 23-a de oktobro 2013, la antaŭa provinco Suda Davao dividiĝis en nordan kaj sudan duonojn, el kiuj la pli norda parto daŭre nomiĝas Suda Davao kaj la suda parto ricevis la novan nomon Okcidenta Davao kaj la ĉefurbon Malita. Ĝi iĝis la 81-a provinco de la lando.

Laŭ la stato de 2024 en la urbo vivis 118 438 loĝantoj sur areo de 883,37 kvadrataj kilometroj, kio rezultigas loĝdenson de 134 loĝantoj/km². La nombro de hejmoj sume estis 29 489.

• horzono: UTC+8 (PST)
• poŝtkodoj: 8012
• telefonkodo: +63 (0)82
• Supermara alteco: 0 (marborde) ĝis 197 m

Malita situas en suda parto de la insulo sur la marborda ebenaĵo ĉe enfluejo de rivero [1]. General Santos troviĝas 59, Davao 71, Kotabato 175, Pagadiano 287, Cebuurbo 472, Legazpio (Albajo) 776, Puerto Princesa 842, ĉefurbo Manilo 1040, Kvezono 1045 kilometrojn (aere) [2].

Malita estas la plej malnova komunumo en la provinco. La unua mencio okazis en 1904, kiam jam Usono havis la insulon. Tamen estas aliaj opinioj, ke dum dominado de hispanoj Malita estis apartenaĵo de alia municipo. La oficiala fondo de la municipo okazis en 1936. Mallonga japana okupo okazis inter 1942-1945. Malita atingis la internacian klasifikadon grandurbo (pli granda ol cent mil loĝantoj) en 2000. Dum la historio ondoj da migrantoj alvenis. La unua ondo venis antaŭ la oficiala fondo el Cebuurbo aŭ ties proksimeco, la sekva ondo el Luzono jam post la fondo. Alvenis multe da migrantoj depost la 2-a mondmilito el Dabao.

Malita estas la ĉefa ekonomia centro de la provinco. Agrikulturo kaj fiŝindustrio estas la ĉefa industrio de la komunumo. Estante malproksime de aliaj ĉefaj urbaj centroj kiel Dabao, Digos kaj General Santos, Malita ankaŭ funkcias kiel la ĉefa urba centro de la provinco. Malita fariĝos komponenta urbo dum la venontaj jaroj pro la ekonomia potenco.

En Malita la loĝantoj sekvas plurajn religiojn, plej ofte kristanajn. En la urbego universitato, kolegio kaj akademioj funkcias.

Malita estas atingebla laŭ la marborda ĉefvojo ambaŭdirekte, krome kuras flankovojo al interno de la insulo. La urbo havas malgrandan flughavenon. Enurbe motorizitaj tricikloj kaj busetoj trafikas.

Malita situas en la savanoklimato laŭ klimata klasifiko de Köppen. Jare pluvas po 1194 mm. En ĉiuj monatoj pluvas, tamen inter majo kaj oktobro pli ofte. La averaĝa jara temperaturo varias inter 24-30 °C. Ne estas grandaj diferencoj inter la monatoj.

• pluraj preĝejoj
• festivalo

• datenoj en la retejo philatlas.com
• distriktoj kun mapo

• Oficiala retejo (angle)