Grandevent
| Grandevent | |
|---|---|
 | |
| Blazono de Grandevent | |
| komunumo en Svislando | |
| Kantono | Vaŭdo |
| Distrikto | Vaŭda Nordĵuraso |
| Koordinatoj | 46° 50′ 18″ N 6° 36′ 23″ O / 46.83833 °N, 6.60639 °O (mapo)Koordinatoj: 46° 50′ 18″ N 6° 36′ 23″ O / 46.83833 °N, 6.60639 °O (mapo) |
|
| |
| Nombro de loĝantoj | 223 |
| Areo | 3,45 km² |
| Alteco | 665 m super marnivelo |
| Poŝtkodo | 1421 |
| Komunumkodo | 5560 |
 | |
| Situa mapo de Grandevent | |
Grandevent estas komunumo en la distrikto Vaŭda Nordĵuraso en Kantono Vaŭdo, Svislando. Ĝi havis 223 loĝantojn je la 31-a de decembro 2012.
Geografio
La komunumo Grandevent situas sur la suda flanko de la montoĉeno Chasseron en la Ĵurasa Montaro, proksimume 7 kilometrojn nordokcidente de la distriktĉefurbo Yverdon-les-Bains. La komunumo konsistas el la vilaĝo Grandevent, la setlejo Vers-chez-Grison kaj la alpopaŝtejo Le Grand-Brelingard, kaj kelkaj izolitaj bienoj.[1]
La teritorio de la komunumo etendiĝas sur areo de 3,45 km², de kiuj 42,0% estas kovritaj de arbaro, 54,8% servas por agrikulturo kaj 3,2% por setlado. [2]
Najbaraj komunumoj
La komunumo Grandevent limas en nordoriento, oriento kaj sudoriento al Fontaines-sur-Grandson, en sudokcidento al Novalles, kaj en nordokcidento al Bullet.
Trafiko
Grandevent situas flanke de la gravaj trafikvojoj. La vilaĝo Grandevent atingeblas pere de kurboriĉa vojo de Fontaines-sur-Grandson. Malgranda vojo kondukas de la vilaĝo al Villars-Burquin kaj sur la altaĵo de Ĵuraso ekzistas konekta vojo de Mauborget tra la komunuma teritorio al Bullet. La plej proksima alveturejo al la svisa aŭtovojo A5 situas proksimume 5 kilometrojn sude de la komunumo apud Yverdon-les-Bains. Pere de poŝtaŭtolinio de Yverdon-les-Baines al Novalles la komunumo estas konektita al la publika transportreto.
Historio
La unua dokumenta mencio de Grandevent datiĝas nur el la 16-a jarcento kiel Grandevens. Ĝis 1730 Grandevent apartenis al la Majorejo Fiez, tiam post ties divido Grandevent fariĝis memstara komunumo. Post la Helveta Revolucio ĝi estis atribuita al la Distrikto Grandson, kiu kun efiko de la 1-a de januaro 2008 surbaze de la administra reformo de 2006 estis integrita al la nova Distrikto Vaŭda Nordĵuraso.[3]
Notoj kaj referencoj
- ↑ Fonto: Reta mapo 1:20000 de Swisstopo Arkivigite je 2013-10-29 per la retarkivo Wayback Machine
- ↑ Fonto: Komunumdatumoj de la retejo de la Svisa Federacia Oficejo pri Statistiko, retejo konsultita la 5-an de novembro 2011
- ↑ Fonto: Philippe Heubi: Grandevent en Historia Leksikono de Svislando (2006-01-16)
Eksteraj ligiloj
- Vidu ankaŭ en la Vikimedia Komunejo la kategorion Grandevent – (Kolekto de bildoj kaj plurmediaj dosieroj)
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.