|
Brita Olimpika Asocio
La Brita Olimpika Asocio (BOA, angle British Olympic Association, kimre Cymdeithas Olympaidd Prydain, skotgaele Comann Oiliompaics Bhreatainn) respondecas pri la partopreno de la Unuiĝinta Reĝlando en Olimpikaj Ludoj. Ĝi estis fondita la 24-an de majo 1905 de la brita Parlamento. La unua prezidanto de la BOA estis William Grenfell, Lord Desborough. Ĝi unue entenis reprezentantojn de sep sportfakoj, sed nun ĉiuj 35 olimpikaj sportoj disponas pri membreco. La asocio inkluzivas la sportistojn de Anglio Kimrio kaj Skotio, kaj ankaŭ tiujn sportistojn de Norda Irlando, kiuj laŭ la Interkonsento de Sankta Vendredo elektis britan ŝtatanecon. Krome la asocio ankaŭ ampleksas la krondependaĵojn Manksinsulo, voktujo Ĵerzejo kaj voktujo Gernezejo, kaj la dependajn teritoriojn Angvilo, Ĝibraltaro, Moncerato, Pitkarna Insularo, Sankta Heleno, Ascension kaj Tristan da Cunha plus la Turkoj kaj Kajkoj. Noto - La regularoj de la IOK nuntempe ne permesas al dependaj teritorioj akiri rekonon kiel Naciaj Olimpikaj Komitatoj (NOK). Tri Britaj Transmaraj Teritorioj havas siajn proprajn NOK-ojn de antaŭ tiu regulo kaj estas tial ne ligitaj kun la BOA: Bermudo, la Britaj Virgulininsuloj kaj la Kajmana Insularo. Dum la teritorioj de Brita Antarkta Teritorio, Brita Hinda Oceana Teritorio kaj Suda Georgio kaj la Sudaj Sandviĉinsuloj estas nominale reprezentitaj fare de la BOA, tiuj teritorioj havas neniun permanentan loĝanton kaj ne sendas atletojn. Vidu ankaŭEksteraj ligiloj
|
|||||||||||||||||||||||||||||||||
