Ursula K. Le Guin

Ursula K. Le Guin
Ursula K. Le Guin e 1995
Ganedigezh	Ursula Kroeber 21 a viz Here 1929 Berkeley, Kalifornia Stadoù-Unanet
Marv	22 a viz Genver 2018 Portland, Oregon Stadoù-Unanet
Micher	Skrivagnerez
Marevezh	c. 1962-2018
Doare	Skiant-faltazi Barzhoniezh
Internet	ursulakleguin.com

Ur skrivagnerez stadunanat eo Ursula Kroeber Le Guin (21 a viz Here 1929 – 22 a viz Genver 2018). Skrivet he deus romantoù, danevelloù, arnodadennoù, barzhoniezh, ha levrioù evit ar vugale.
Brudet eo dreist-holl evel ur skrivagnerez faltazi ha skiant-faltazi. Meur a wech he deus resevet ar prizioù Hugo ha Nebula. Dezhi e voe roet ar Gandalf Grand Master award e 1979 hag ar Science Fiction and Fantasy Writers of America Grand Master Award e 2003.

Dimezet eo gant an istorour Charles A. Le Guin, a orin breizhat, hag o chom emañ e Portland, Oregon abaoe 1958.

Ganet eo bet Ursula K. Le Guin e Berkeley, Kalifornia. He zad a oa an denoniour Alfred L. Kroeber hag he mamm ar skrivagnerez Theodora Kroeber. He danevell gentañ a ginnigas d'ar gelaouenn skiant-faltazi Astounding Science Fiction pa oa unnek vloaz met ne voe ket degemeret.

Studiañ a reas e Radcliffe College hag e skol-veur Columbia kent monet da Bariz ma kejas gant an hini a zeuas diwezhatoc'h da vezañ he gwaz, Charles A. Le Guin. D'ar mare-se e krogas da skrivañ istorioù diwar-benn broioù faltazius a dalvoudekaio diwezhatoc'h e Malafrena hag Orsinian Tales.

Brudet e voe e 1969 goude embannadur he romant The Left Hand of Darkness, a zegemeras-hi ar prizioù Hugo ha Nebula evitañ.

He skridoù a ro ur pouez bras d'ar skiantoù denel evel an denoniezh pe ar sokiologiezh. Alies e talvoudeka kevredigezhoù arallblanedennek da zereiñ ur c'hannadur diwar-benn hon hini, da skouer a-zivout ar gevalaouriezh hag ar sokialouriezh e The Dispossessed (Les Dépossédés e galleg), pe al liested sevenadurel e The Telling (Le Dit d'Aka e galleg).

Kalz eus hec'h oberennoù skiant-faltazi a zo lec'hiet en ur gevredigezh c'halaksiek anvet an Ekumen. N'eo ket an Ekumen ur gouarnamant met un doare kenstrolladur bedoù frank hag a striv da luskañ eskemmoù sevenadurel etrezo. Un niver bras eus romant Ursula Le Guin (The Left Hand of Darkness da skouer) a liv donedigezh ur c'hannad eus an ekumen war ur bed dizarempred betek neuze hag ar stroñs sevenadurel e sav diwar an dra-mañ.

Ur perzh a ziforc'h hollved Ursula K. Le Guin eus an darn vrasañ eus an hollvedoù skiant-faltazi arall eo an diouer eus ar varregezh da vont buanoc'h eget ar gouloù. Un ardivink hag a aotre da zaremprediñ - pas beajiñ - en un doare trumm a zo : an ansibl

Brudet eo ivez Ursula Le Guin evit he doare skrivañ hag a zo tostoc'h ouzh hini ar skrivagnerien "klasel" eget ouzh an darn vrasañ eus ar skrivagnerien skiant-faltazi arall.

E 2004 e voe goulennet ouzh Ursula Le Guin hag-eñ e tistage-hi hec'h anv hervez an doare gallek pe an doare saoznek. Respontet he doa :

Een zees country we say Luh Gwinn. En France nous disons Le Guin, comme le vin ou le gain ; et en Bretagne - c'est un nom breton - je crois que c'est encore Luh Gwinn. (Like Gwyn in Welsh - I think it's the same word.)^[1]

• A Wizard of Earthsea, 1968
• The Tombs of Atuan, 1971
• The Farthest Shore, 1972
• Tehanu: The Last Book of Earthsea
• The Other Wind, 2001

• "The Word of Unbinding", 1975 (e The Wind's Twelve Quarters)
• "The Rule of Names", 1975 (e The Wind's Twelve Quarters)
• "Dragonfly" (in Legends, ed. Robert Silverberg; ivez e Tales from Earthsea)
• Tales from Earthsea, short story collection, 2001, ISBN 0-15-100561-3

• Rocannon's World, 1966
• Planet of Exile, 1966
• City of Illusions, 1967
• The Left Hand of Darkness
• The Dispossessed: An Ambiguous Utopia
• The Word for World is Forest
• Worlds of Exile and Illusion, 1996 (omnibus eus Rocannon's World, Planet of Exile haCity of Illusions)
• The Telling, 2000

• Dowry of the Angyar (1964) - gant ar titl Semley's Necklace emañ e The Wind's Twelve Quarters (1975)
• Winter's King (1969) - e The Wind's Twelve Quarters (1975)
• Vaster Than Empires and More Slow (1971) - e The Wind's Twelve Quarters (1975)
• The Day Before the Revolution (1974) - e The Wind's Twelve Quarters (1975)
• The Shobies' Story (1990) - e A Fisherman of the Inland Sea (1994)
• Dancing to Ganam (1993) - e A Fisherman of the Inland Sea (1994)
• Another Story OR A Fisherman of the Inland Sea (1994) - e A Fisherman of the Inland Sea (1994)
• The Matter of Seggri (1994) - e The Birthday of the World (2002)
• Unchosen Love (1994) - e The Birthday of the World (2002)
• Solitude (1994) - e The Birthday of the World (2002) ])
• Four Ways to Forgiveness, (1995)
• Coming of Age in Karhide (1995) - e The Birthday of the World (2002)
• Mountain Ways (1996) - e The Birthday of the World (2002)
• Old Music and the Slave Women (1999) - e The Birthday of the World (2002)

• The Lathe of Heaven, 1971
• Malafrena, 1979
• The Eye of the Heron, 1982
• Always Coming Home, 1985

• The Wind's Twelve Quarters, 1975
• Orsinian Tales, 1976
• The Compass Rose, 1982
• Buffalo Gals, and Other Animal Presences, 1987
• Searoad, 1991
• A Fisherman of the Inland Sea, 1994
• Four Ways to Forgiveness, 1995
• Unlocking the Air and Other Stories, 1996
• The Birthday of the World, 2002, ISBN 0-06-621253-7
• Changing Planes, 2003, ISBN 0-15-100971-6

• Catwings, 1988
• Catwings Return, 1989
• Wonderful Alexander and the Catwings, 1994
• Jane on Her Own, 1999

• Very Far Away from Anywhere Else, 1976, ISBN 0-15-205208-9
• Leese Webster, 1979, ISBN 0-689-30715-2
• The Beginning Place, 1981, 0553262823
• Solomon Leviathan's Nine Hundred and Thirty-First Trip Around the World, 1984, ISBN 0-399-21491-7
• A Visit from Dr. Katz, 1988, ISBN 0-689-31332-2
• Fire and Stone, 1989, ISBN 0-689-31408-6
• Fish Soup, 1992, ISBN 0-689-31733-6
• A Ride on the Red Mare's Back, 1992, ISBN 0-531-07079-4
• Tom Mouse, 2002, ISBN 0-7613-1599-3

Muioc'h a restroù diwar-benn

Ursula K. Le Guin

a vo kavet e Wikimedia Commons.

Porched al Lennegezh – Gwelit ar pennadoù hag ar rummadoù diwar-benn al lennegezhioù.

Rummad Skiant-faltazi – Gwelit ar pennadoù hag an isrummadoù diwar-benn ar skiant-faltazi.