Maryam surasi

Bu maqolada manbalar <ref></ref> teglariga olinmagan yoki umuman koʻrsatilmagan. Iltimos, qoida va koʻrsatmalarga muvofiq maqolani vikilashtiring.

Toha ←   19–sura  → Kahf

Maryam surasi — سورة مريم
Suraning arabcha matni
Nomining maʼnosi	Maryam (nom)[1][2]
Tasnifi	Makkiy sura[3]
Statistika
Sahifasi	305–312[4]
Juz	16
Sura raqami	19
Oyatlar soni	98
Sajda oyati	58-oyat[5]
Rukuʼlar soni	6[6]
Muqattaot harflari	Kaf, ha, yo, ayn, sod.[7]
Soʻzlar soni	972
Harflar soni	3835
Nozil boʻlish tartibi	44[8]
Arabcha matni	ar.wikisource.orgda tanzil.netda
Tarjimalari	QuranAcademy.org quran.uzda
Tilovat tartibi Toha surasi   19   Kahf surasi Nozil boʻlish tartibi Toha surasi    44   Fotir surasi

Maryam surasi (arabcha: سورة مريم,) — Qurʼoni Karimning 19-chi surasi. Makkada nozil boʻlgan 98 oyatdan iborat.

Bu surada ham bir qancha paygʻambarlar qissalari zikr qilinadi. Boshlab Zakariyo va uning keksalik chogʻida koʻrgan farzandi Yahyo haqida soʻzlanib, soʻngra eng ajib va gʻarib qissa — Maryam va uning beota dunyoga kelgan va beshikda yotgan chogʻidayoq tilga kirib oʻzining kimligini aytgan farzandi Iysoning qissasi hikoya qilinadi va Yaratgan nazdida bu oson ish ekanligi taʼkidlanadi. Suraning Maryam deb nomlanishiga ham sabab shudir.

Yana bu surada Alloh taoloning paygʻambarlaridan Ibrohim, Ishoq, Yaʼqub, Muso, Horun, Ismoil, Idris va Nuhlarning nomlari ham zikr qilinib, ularning barchalari bir zanjirning halqalari ekanliklari, yaʼni Yagona Allohning diniga daʼvat etganliklari yana bir bor eslatib oʻtiladi.

Shuningdek, bu surada qiyomatning ayrim manzaralari, u kunning dahshatlari — jahannamga tashlanishlarini kutib, tiz choʻkib turgan kofirlarning ahvoli ilohiy qalam bilan chizib beriladi. Lekin U zotning yolgʻiz Allohga bandalik qiladigan kishilarga bu dunyoda ham, u dunyoda ham rahm-shafqatli ekanligi taʼkidlanib, suraning bir necha oʻrinlarida Alloh kalimasining oʻrniga Rahmon-Mehribon soʻzi qoʻllanadi.

Sura nihoyasida Alloh taoloning farzand va sherikdan pok — tengi yoʻq zot ekani yana bir karra uqtirib oʻtiladi.

MARYAM SURASI (Wayback Machine saytida 2012-06-30 sanasida arxivlangan)

Keyingisi: Toha surasi

19-sura — arabcha matni

Oldingisi: Kahf surasi

Qurʼon suralaridan biri — Maryam surasi haqidagi ushbu maqola chaladir. Siz uni boyitib, Vikipediyaga yordam berishingiz mumkin. k m t