Aktualaĵoj en julio de 2005

• Internacia Televido komencis elsendi testsignalon trans Interreto.
• Mortis nederlandano Wim Duisenberg, unua prezidanto de la Eŭropa Centra Banko

• Usona astronomo malkovras 10-an planedon de nia sunsistemo. La objekto estas pli granda ol Plutono kaj provizore nomiĝas 2003 UB313.

• Irlando: IRA deklaras, ke ĝi rezignas je perforto.
• Belgio: unua datreveno de la katastrofa eksplodo de gasodukto en Ghislenghien

• Mortis Marten Toonder, fama nederlanda bildstria verkisto kaj desegnisto.

• Je 14:39 UTC, kosmopramo Discovery sukcese leviĝas el JFK Space Center (Usono). Tiu estas la unua homekipita spaca flugo depost la katastrofo de Columbia je la 1-a de februaro 2003.

• Pli ol 20 mortintoj post nova sinmortiga atenco en rekruta centro el Bagdado, Irako.
• Rainbow Warrior [Ĉielarka Batalanto]: 20 jarojn poste, Greenpeace [Verdapaco] rememoras pri la sinko de la ĉi nomata ŝipo.

• Internacia Olimpika Komitato ne akceptis novajn ludojn sed forigis basbalon kaj softbalon ekde 2012 el inter la ludoj.

• La rumana ĉefministro, Călin Popescu Tăriceanu [Kalin Popesku Tariĉeanu] anoncas la demision de la rumana registaro.
• Estroj de G8-regnoj kunvenas en Gleneagles en Skotlando.
• Serio de eksplodoj en Londono (metroo, buso) mortigas 37-38 homojn kaj vundas ĉirkaŭ 700.

• Singapuro : Londono elektiĝas kiel organizanta urbo de la Olimpiaj ludoj de somero 2012 kontraŭ Parizo. Moskvo, Nov-Jorko kaj Madrido eliminiĝis kelkajn horojn pli frue.

• Rumanio reskalis sian nacian valuton, la rumanan leŭon (en la rumana lingvo leu [leŭ], kio signifas leonon; la pluralo estas lei [lej]). Unu nova levo egalos al 10 000 malnovaj levoj. Usona dolaro valoros 2,989 levojn kaj unu eŭro estos 3,6 levoj.