Flaŭra regno (aŭ fitoĥorio aŭ plantara regno), en fitogeografio, estas geografia areo kun relative unuforma konsisto de plantajspecioj. Najbaraj flaŭraj regnoj kutime ne havas tranĉan limon, sed ekzistas transira areo en kiu multaj specioj de ambaŭ unuoj parte interkovriĝas. La zono de interkovriĝo estas nomata vegetaĵar-streĉiĝa zono.
Klarigo
Pluraj sistemoj de klasifiko de geografiaj areoj kie plantoj vegetas, estis ellaboritaj. Plejmulto el la sistemoj estas hierarkie organizitaj, kun la plej grandaj unuoj subdividitaj en pli malgrandajn geografiajn areojn, kiuj ampleksas pli malgrandajn plantarajn komunumojn, kaj tiel plu. Flaŭraj regnoj estas difinitaj kiel areoj kiuj entenas grandan nombron de endemiajtaksonoj. Plantaraj regnoj estas karakterizitaj de alta grado de familia endemiismo, flaŭraj regionoj de alta grado de genra endemiismo, kaj flaŭraj provincoj de alta grado de specia endemiismo.
Sistemoj de flaŭraj regnoj havas kaj signifajn similecojn kaj signifajn diferencojn kun zoogeografiaj provincoj, kiuj baziĝas sur la konsisto de mamulaj familioj kaj kun biogeografiaj regnoj aŭ ekozonoj, kiuj konsideras kaj plantajn kaj bestajn speciojn.
La terminofitoĥorio estas speciale ligita al klasifikoj laŭ la metodologio de Josias Braun-Blanquet, kiu baziĝas sur la ĉeesto aŭ la malĉeesto de apartaj specioj[1].
Taksonomiaj datumbazoj emas esti organizataj tiele ke ili aproksimas flaŭrajn provincojn, sed kiuj oni adaptas al landlimoj.
Flaŭraj regnoj
La botanikisto Ronald Good [2] identigis ses flaŭrajn regnojn, la plej grandajn naturajn unuojn kiuj li determinis por angiospermoj. Tiuj regnoj estas subdividitaj en pli malgrandajn areojn, kiuj oni nomas provincoj. La paleotropika regno estas subdividita en tri subregnojn, kiuj ĉiuj estas partigitaj en flaŭrajn provincojn. Ĉiu el la kvin aliaj regnoj estas senpere subdividitaj en provincojn. Estas totalo de tridek sep flaŭraj regionoj. Preskaŭ ĉiuj regionoj estas plie subdividitaj en flaŭrajn provincojn.
Armen Takhtajan [3], en larĝe uzata tipologio kiu baziĝas sur la laboro de Good, identigis tridek kvin flaŭrajn regionojn, ĉiu el kiuj estas subdividitaj en flaŭrajn provincojn, de kiuj oni havas totalon de 152.
Neotropis aŭ Neotropisa Regno – Tropikoj de la Nova Mondo : Sudameriko (sen la plej suda pinto) kaj Centrameriko. Bromeliaceae, Cactaceae, Cannaceae, Cyclanthaceae, Malpighiaceae; Agave, Anthurium, Fuchsia, Passiflora. (Vidu ankaŭ: Neotropiso)
Australis aŭ Aŭstralisa Regno – Aŭstralio, Brunoniaceae, Casuarinaceae, Epacridaceae, Goodeniaceae, Myopraceae, Stylidiaceae, Xanthorrhoeaceae; Acacia, Banksia, Eucalyptus. (Vidu ankaŭ: Aŭstralazia ekozono)
Antarktis aŭ Antarkta Regno – Antarkto, subantarktaj insuloj kiel ekzemple Kergelenoj, suda pinto de Sudameriko, sudokcidento de Novzelando. Acaena, Azorella, Nothofagus.
Capensis aŭ Kablanda Regno – entenas Kablandon en Sudokcidenta Afriko. Malĉeesto de arekacoj !, Aizoaceae, Bruniaceae; Erica, Freesia, Pelargonium, Protea
Oni kelkfoje konsideras sepan flaŭran regnon : la Oceanian Regnon, kiu ampleksas oceanajn insulojn kiuj estas malproksimaj de kontinentoj, precipe en Pacifika Oceano. Laŭ multaj aŭtoroj tiu ĉi flaŭra regno apartenas al Palaeotropis.
↑glossaryArkivigite je 2008-04-11 per la retarkivo Wayback Machine from Edited by A. Barrie Low and A. (Tony) G. Rebelo from contributions by George J. Bredenkamp, J. Ed Granger, M. Timm Hoffman, Roy A. Lubke, Bruce Mckenzie, A. (Tony) Rebelo, & Noel van Rooyen. (February 1998) Vegetation of South Africa, Lesotho and Swaziland: A companion to the Vegetation Map of South Africa, Lesotho and Swaziland. Department of Environmental Affairs and Tourism, Pretoria.
.png)
