la nordamerikaj akvodislimoj (la Granda Baseno markita oranĝkolore)
La Granda Baseno (angleGreat Basin) estas seka pejzaĝego, kiu en la okcidento de Usono situas inter la montoĉeno "Wasatch" oriente kaj la "neĝa montaro" Sierra Nevada kaj la "Kaskada" montoĉeno okcidente. La baseno kovras plurajn usonajn ŝtatojn, sed ĉefe situas en Nevado. Pli etaj partoj krome situas en Oregono, Idaho, Utaho, Arizono kaj Kalifornio. La grandega, senelflua areo kovras 540.000 kvadratajn kilometrojn kaj – por komparo – pli grandas ol ekzemple la eŭropa lando Hispanio.
La limoj de la Granda Baseno diference difiniĝas. Sub la termino Granda Baseno (angle Great Basin) mem kompreniĝas ĝenerale la areoj, kiuj kune konsistigas senelfluan areon inter la supre menciitaj montaroj. Kiel "Dezerto Granda Baseno" (angle Great Basin Desert) kompreniĝas la areo, en kiu dominas la karakteriza plantaro de la Granda Baseno. "Basin and Range" estas geologia regiono, kiu signife pli grandas ol la supre difinita baseno kaj ankaŭ inkluzivas la dezertojn Mojave kaj Sonora en Meksiko.
Situo en okcidenta Usono
Divido
La Granda Baseno konsistas el proksimume 100 unuopaj basenoj aŭ valoj, inter kiuj elstaras multnombraj "montaraj insuloj". La areo dominiĝas per stepaj areoj, ŝtonaj kaj sablaj dezertoj (gravas Grandbasena Dezerto), plejparte sekaj rojaj kaj riveraj vojoj, kanjonoj, salakvaj lagoj kaj kelkaj iom grandaj lagoj (ekzemple Granda Sala Lago, Utaha Lago kaj Piramida Lago. Norde de la Granda Baseno fluas la rivero Humboldt, kiu okcidente sub flanka parto de la montaro Sierra Nevada finiĝas en malgrandaj, senelfluaj lagoj, el kiuj la akvo forvaporiĝas en la varma dezerta aero.
La valoj respektive partaj basenoj, kiuj konsistigas proprajn senelfluajn areojn, estas:
Granda Sala Lago (Great Salt Lake) - Utaho, Idaho, Vajomingo (Bear River, Jordan River kaj Weber River)
