Loeiz VII (Bro-C'hall)

Loeiz VII

den

Reizh pe jener	paotr
Bro ar geodedouriezh	Bro-C'hall
Anv e yezh-vamm an den	Louis VII de France
Anv-bihan	Louis
Anv-familh	talvoud ebet
Titl noblañs	dug, Roue ar Franked
Deiziad ganedigezh	1120
Lec'h ganedigezh	Pariz
Deiziad ar marv	18 Gwe 1180
Lec'h ar marv	Pariz
Lec'h douaridigezh	Basilica of Saint-Denis
Tad	Loeiz VI
Mamm	Adelaid Maurienne
Pried	Eleanora Akitania, Constanza Kastilha, Adèle Champagn
Familh	Capetian dynasty
Yezhoù komzet pe skrivet	henc'halleg, latin
Yezh implijet dre skrid	latin
Micher	penndiern, monark
Karg	Roue ar Franked, duke of Aquitaine
Relijion	kristeniezh
Prizioù resevet	Golden Rose
Statud e wirioù aozer	Ar gwirioù aozer ne dalvezont ket ken

Loeiz VII, lesanvet Loeiz ar yaouankañ, ganet e 1120, marvet e 1180 e Melun, a voe roue Bro-C'hall eus 1137 betek 1180.

Mab e oa da Loeiz VI, lesanvet Loeiz an Tev, roue ar Franked, hag Adelaid Maurienne (1100-1154) ha dre se e oa war un dro ur c’harolingad hag ur Bosonad a-berzh e vamm.

Dre ma oa eil mab ar roue Loeiz VI, war-lerc'h e vreur Fulup, ne oa ket tonket dezhañ mont da roue. Kemm a voe en e blanedenn d'an 13 a viz Here 1131 pa voe lazhet Fulup, kouezhet diwar e varc'h e kêr Bariz, abalamour d'ur pemoc'h a oa o treuziñ ar straed. Raktal goude, d'ar 25 a viz Here, e voe sakret e Reims gant ar pab Inosant II, ha kevredet gant e dad war an tron.

Meur a abeg a voe d'ar brezel-se : dilennadeg arc'heskop Bourges ha, dreist-holl, afer Raoul de Vermandois. Evit eureujiñ gant Petronille, c'hoar Eleanora Akitania, e skarzhas e wreg kentañ : Eleanora, nizez Thibaud Champagn.

Un darvoud a-bouez a c'hoarvezas e-pad brezel Champagn : 1300 den a voe devet en iliz Vitry-en-Perthois lec'h m'o doa klasket goudor. Loeiz VII hag a oa kaoz eus ar marvioù-se a chomas strafuilhet-bras diwar-se.

Loeiz hag Eleanora a gemeras perzh en eil groaziadeg, loc'het e miz Even 1147. Kendeuziñ a reas ar groaziadeg-se met ne voe ket klevet kalz a rebechoù ouzh Loeiz, ouzh Eleanora ne lavaran ket.

Ar brud a redas e oa bet darempredoù kuzh etre ar rouanez ha hec'h eontr Raymond Antioche.

Eureudiñ a reas gant Eleanora Akitania d'ar 25 a viz Gouere 1137 e Bourdel. Div verc'h o doe :

• Marie e 1145
• hag Alix e 1150

Met trenkañ a reas ar soubenn etre an daou bried ha, d'an 21 a viz Meurzh 1152, e voe torret an dimez war zigarez e oant kendirvi (diskennidi da Roperzh II e oant o-daou).

Eurediñ a reas neuze gant Constanza Kastilha,

Hag adarre, goude marv Constanza, e voe neuze dimezet ouzh Adèle Champagn, hag o doe daou vugel :

• Fulup (1165-1223), lesanvet 'Dieudonné (mall a oa kavout ur pennhêr, hag a oa fent ennañ), ha diwezhatoc'h, pa renas, an Aogust.
• Agnès, dimezet teir gwech, da dri impalaer bizantat:

E vab Fulup II an Aogust a bignas war an tron war e lerc’h.

Loeiz VII a gemeras liv glas ar Werc'hez Vari, diwallerez ar rouantelezh, da ardamez ar roue. Hervez an istorour gall Michel Pastoureau e felle d'ar roue diverkañ mezh marv e vreur lazhet gant ul loen a renk izel.

• Louis VII gant Yves Sassier - embannadur Fayard 1991 - 506 p., ISBN 2-213-02786-2
• Levrenn 41 eus ar Société des sciences et art de Vitry-le-François
• Michel Pastoureau, Le Roi tué par un cochon, Seuil, 2015

• (fr) Bro-C’hall dindan Loeiz VII ar yaouankañ en un doare eeun.

En e raok: Loeiz VI

Rouaned Bro-C'hall 1137 – 1180

War e lerc'h: Fulup II