Washington Post

Washington Post
Выява лагатыпа

Арыгінальная
назва		 англ.: The Washington Post[3][4][…]
Тып Штодзённая газета
Фармат A2
Заснавальнік Stilson Hutchins[d]
Уладальнік Washington Post Company
Выдавец Fred Ryan[d][5]
Краіна
Рэдактар Маркус Броклі
Штатныя карэспандэнты 740[1]
Заснавана 1877
Палітычная прыналежнасць Левацэнтрызм
Мова англійская
Перыядычнасць 1 суткі[4][6][…]
Галоўны офіс 1150 15th Street, N.W., Вашынгтон, D.C. 20071, ЗША
Тыраж 545 345 штодня
764 666 у нядзелю[2]
ISSN 0190-8286 і 2641-9599
Узнагароды
Вэб-сайт washingtonpost.com (англ.)
proquest.umi.com/…
washingtonpost.com
Лагатып Вікісховішча Медыяфайлы на Вікісховішчы

«Ва́шынгтан по́ст» (англ.: The Washington Post) — амерыканская штодзённая газета[de]. Выдаецца ў горадзе Вашынгтоне. Найбуйнейшая газета сталіцы Злучаных Штатаў Амерыкі, таксама ўваходзіць у колькасць найстарэйшых.

Гісторыя

Газета была заснавана ў 1877 годзе Стылсанам Хатчынсам (англ.: Stilson Hutchins). У 1880 годзе яна дадала нядзельны выпуск, стаўшы першай гарадской газетай, якая выходзіць 7 дзён у тыдзень. Праз дзевяць гадоў, у рамках кампаніі па прасоўванні падпіскі, уладальнікі прапанавалі кіраўніку ваеннага аркестра U. S. Marine Band кампазітару Джону Філіпу Сузе (англ.: John Philip Sousa) скласці марш, які суправаджаў бы цырымонію ўзнагароджання пераможцаў конкурсу кароткіх сачыненняў — нарысаў. «Марш Washington Post» уваходзіць у лік класічных твораў Сузы.

У 1899 годзе, у разгар Іспанска-Амерыканскай вайны, газета апублікавала класічную ілюстрацыю Кліфарда Берымена (англ.: Clifford K. Berryman) «Remember the Maine».

Самы вялікі тыраж газета мела ў 1993 годзе, калі выходзіла тыражом ў 832 332 асобнікаў. Станам на кастрычнік 2005 года, сярэдняя колькасць чытачоў склала 715 181 у будныя дні і 983 243 па суботах. Такім чынам, па колькасці чытачоў газета займала 5-е месца ў ЗША. Паводле даных Alliance for Audited Media да 2013 года The Washington Post апусцілася на 7-е месца ў рэйтынгу самых папулярных газет ЗША. Па выніках 2012 года яе тыраж склаў 472 000 асобнікаў, на 6,5 % менш чым годам раней[7]. Найбуйнейшы канкурэнт у Вашынгтоне — Вашынгтон таймс.

Журналісты Post атрымалі 47 Пулітцэраўскіх прэмій, 6 з іх у 2008 годзе, 18 стыпендый Німана і 368 прызаў Асацыяцыі фатографаў Белага дому.

У жніўні 2013 года газета была набыта Джэфры Бэзасам за $250 млн[8].

Пра газету

Самым вядомым эпізодам у багатай гісторыі газеты сталі публікацыі, які распалілі Уотэргейт — адзін з найбуйнейшых палітычных скандалаў у гісторыі ЗША. Рэпарцёры газеты Боб Вудвард і Карл Бернстын, такім чынам, адыгралі прыкметную ролю ў адстаўцы прэзідэнта Рычарда Ніксана. Па гэтых падзеях быў зняты фільм «Уся прэзідэнцкая раць» з Робертам Рэдфардам і Дастынам Хофманам у ролі Вудварда і Бернстына.

Газета ўваходзіць у лік вядучых штодзённых выданняў ЗША, нароўні з Нью-Ёрк таймс, вядомай у сваю чаргу міжнароднымі рэпартажамі, Wall Street Journal, якая спецыялізуецца на эканамічных публікацыях, і газетай «Лос-Анджэлес таймс». «Вашынгтон пост», у сваю чаргу, зарэкамендавала сябе рэпартажамі пра палітычныя падзеі Белага дому, Кангрэса і іншыя пабочныя аспекты дзейнасці амерыканскага федэральнага ўрада.

Газета з'яўляецца прыватнай і на працягу амаль 80 гадоў належала сям'і Грэм, якія валодалі ёй праз Washington Post Co, якая, у сваю чаргу, кантралюе шэраг іншых медыйных і не-медыйных кампаній, уключаючы часопіс Newsweek (прададзены ў 2010 годзе), шэраг газет, кабельныя тэлесеткі і тэлевізійныя станцыі, інтэрнэт-рэсурсы Slate і Foreign Policy.

У жніўні 2013 года было абвешчана, што кантроль над The Washington Post за $250 млн набыў вядомы інтэрнэт-мільярдар Джэф Бэзас, заснавальнік і кіраўнік анлайн-крамы Amazon.com. Разам з Washington Post Бэзас купіў цэлы шэраг іншых друкаваных СМІ: The Express, The Gazette Newspapers, Southern Maryland Newspapers, Fairfax County Times, El Tiempo Latino і Greater Washington Publishing. Прычынай продажу стала нездавальняльнае фінансавае становішча падраздзялення друкаваных СМІ Washington Post Co. У 2002 годзе друкаваныя СМІ прынеслі кампаніі звыш $100 млн прыбылі, у той час як па выніках 2012 года аперацыйныя страты падраздзялення склалі $54 млн, а выручка за апошнія 10 гадоў скарацілася больш чым на 30 %. Новы ўладальнік газеты абвясціў пра хуткія змены, паабяцаўшы ў той жа час, што не будзе ўмешвацца ў працу выдання гэтак жа актыўна, як кіруе сваім інтэрнэт-бізнесам[7].

Гл. таксама

Зноскі

  1. ↑ Contact The Washington Post reporters, columnists and bloggers. The Washington Post. Архівавана з арыгінала 24 ліпеня 2011. Праверана 30 студзеня 2015.
  2. ↑ Top Media Outlets: Newspapers, Blogs, Consumer Magazines & Social Networks (англ.)(недаступная спасылка). burrellesluce.com (1 лютага 2011). Архівавана з першакрыніцы 14 лютага 2012. Праверана 24 ліпеня 2011.
  3. ↑ а б The Washington post. // WorldCat — 1971. — ISSN 0190-8286 Праверана 5 лютага 2019.
    <a href="https://dokumen123.com/be/https://wikidata.org/wiki/Track:Q846596"></a>
  4. ↑ а б в The Washington post. — 1836. Праверана 9 сакавіка 2019.
    <a href="https://dokumen123.com/be/https://wikidata.org/wiki/Track:Q611833"></a>
  5. ↑ https://www.washingtonpost.com/pr/wp/2014/10/01/message-from-fred-ryan-on-his-first-day-as-publisher-of-the-post/
  6. ↑ The Washington post. — 1800. Праверана 9 сакавіка 2019.
    <a href="https://dokumen123.com/be/https://wikidata.org/wiki/Track:Q131454"></a>
  7. ↑ а б Иван Осипов: «Эксперимент Безоса: зачем глава Amazon выложил $250 млн за The Washington Post». Forbes.ru, 06.08.2013
  8. ↑ Иван Осипов. Эксперимент Безоса: зачем глава Amazon выложил $250 млн за The Washington Post (руск.). Forbes. forbes.ru (6 жніўня 2013). Архівавана з першакрыніцы 16 жніўня 2013. Праверана 14 жніўня 2013.

Спасылкі

Content Disclaimer

Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.

  1. The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
  2. There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
  3. It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
  4. Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
  5. Responsible use. Any risk arising from the use of information from this website is entirely the responsibility of the user.