Guy Parmelin

dr Guy Parmelin (2024)

De Guy Parmelin (* 9. November 1959 z Bursins) isch en Schwizer Politiker (SVP). Am 9. Dezämber 2015 isch er vo dr Vereinigte Bundesversammlig zum Bundesrot gwählt worde.

Lebe

De Parmelin isch as Sohn vom ene Buur i sim Heimetort ufgwachse und isch z Lausanne uf d Mittelschuel. No de Schuel het er e Uusbildig zum Landwirt und Winzer gmacht.[1] Er isch dänn Wiipuur gsi und het mit sim jüngere Brueder zäme de Hof vo sim Vater gfüert. Er isch verhüroted und läbt mit sire Frau Caroline, ere Dütschlehreri, z Bursins.

Politik

De Guy Parmelin isch vom Mai 1994 bis im November 2003 im Wadtländer Kantonsparlament gsässe. Bi de Parlamäntswahle im Oktober 2003 isch er in Nationalrot gwählt worde. Von 2000 bis 2004 isch de Parmelin Presidänt vo de SVP vom Kanton Waadt gsi. Im November 2015 hät ihn d SVP-Frakzion vo de Bundesversammlig als eine vo drü offizielle Kandidate für de Bundesrot nominiert. Am 9. Dezämber vom gliiche Johr isch er im dritte Wahlgang mit 138 Stimme als 116. Bundesrot vo de Schwiz gwählt worde.[2] Uf de 1. Jänner 2016 hät er sis Amt aaträte und s Departemänt für Verteidigung, Bevölkerigsschutz und Sport (VBS) vom Bundesrot Ueli Maurer übernoh, wo is Finanzdepartemänt (EFD) gwägslet hät.

Mit de Ernöierigswahle vom Bundesrot Endi 2018 häts e Rochade i de Departemäntsverteilig gee. Sit em 1. Jänner 2019 isch de Guy Parmelin Vorsteher vom Eidgenössische Departemänt för Wirtschaft, Bildig und Forschig (WBF), sim vorhärige Departemänt isch er as stellverträtende Leiter zuegordnet.[3]

Er isch im 2020 und im 2025 Vizepresidänt vom Bundesrot gsi und im 2021 und im 2026 Bundespresidänt.

Fuessnote

  1. ↑ So tickt Bundesrat Parmelin abseits des Polit-Parketts Artikel i de Schwizer Illustrierte vom 9. Dezember 2015
  2. ↑ Parmelin jubelt dank SP und CVP Artikel i de NZZ vom 10. Dezember 2015
  3. ↑ Rochade im Bundeshaus: So sieht die neue Departementsverteilung aus Artikel i de NZZ vom 10. Dezember 2018


Vorgängeri
Eveline Widmer-Schlumpf 		Mitglid vom Schwiizer Bundesrot
sit 2016 		Nochfolger
—

Content Disclaimer

Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.

  1. The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
  2. There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
  3. It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
  4. Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
  5. Responsible use. Any risk arising from the use of information from this website is entirely the responsibility of the user.