Samuel Schmid

Dialäkt: Züridütsch (See)
Samuel Schmid

De Samuel Schmid, (* 8. Januar 1947 in Rüti bei Büren im Kanton Bern) isch en Schwiizer Politiker (BDP, bis 2008 SVP) und ehmalige Bundesrat. Im Jahr 2005 isch er Bundespräsident gsii.

Politischi Laufbahn

Nach diverse politische Ämter

  • 1972–1974 Gmeindrat in Rüti bi Büren
  • 1974–1982 Gmeindspräsident in Rüti bi Büren
  • 1982–1993 Mitglied vom bernische Grosse Rat
  • 1994–1999 Nationalrat
  • 1998–1999 SVP-Fraktionspräsident vo dr Bundesversammlig
  • 1999–2000 Schtänderat für de Kanton Bern

isch de Samuel Schmid am 6. Dezember 2000 in Bundesrat gwählt worde. Bis zu sim Usscheide uf de 31. Dezember 2008 isch er em Eidgenössische Departement für Verteidigung, Bevölkerigsschutz und Schport (VBS) vorgschtande.

Im Jahr 2004 isch er Vizepräsident und isch am 8. Dezember 2004 zum Bundespräsident für s Jahr 2005 gwählt worde. Em Samuel Schmid siis Motto für s Jahr 2005 hät Begegnig gheisse. Siis wichtigschte Aaliege isch nach eigene Aagabe d Abschtimmig über di Bilaterale II und d Schtärchig vo dr Kollegialität im Bundesrat.

Bi de Bundesratswahle 2007 isch de Samuel Schmid mit 201 Stimme widergwählt worde. Wel er si trotz de Nöd-Widerwahl vom Christoph Blocher hät veräidige laa, isch er massiv kritisiert worde vo de SVP-Parteispitze un hät nümi an de Fraktionssitzige dörfe täilnää. Zämme mit andere SVP-Politiker isch de de Schmid derna us de SVP uusträtte und hät d BDP mitgründet

Aafangs November 2008 hät de Schmid a de Galleblas müesse operiert wärde. Churz derna, am 12. November 2008, hät er na si Ruggtritt us Endi Jahr aakündt.[1] Sin Nachfolger isch sit em 1. Jänner 2009 de Ueli Maurer.

Militär

Oberscht, Kommandant vomene Infanterie-Regiment vo 1993 bis Endi 1996, Schtellvertretende Kommandant F Div 3 i de Jahre 1998 und 1999.

Zivillebe

Wo de Samuel Schmid 1967 d Matura beschtande hät, hät er s Juraschtudium a dr Universität Bern aagfange. 1978 - underzwüsche Notar - hät er siini eigeni Praxis uuftaa.

De Samuel Schmid isch verhüüratet und Vater vo drei Söhn.

Einzelnachwiis

  1. ↑ http://www.news.ch/Bundesrat+Samuel+Schmid+tritt+zurueck/324743/detail.htm


Vorgänger
Adolf Ogi 		Mitglied im Schweizer Bundesrat
2001-2008 		Nochfolger
Ueli Maurer


Dä Artikel basiert uff ere fräie Übersetzig vum Artikel „Samuel_Schmid“ vu de dütsche Wikipedia. E Liste vu de Autore un Versione isch do z finde.

Content Disclaimer

Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.

  1. The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
  2. There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
  3. It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
  4. Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
  5. Responsible use. Any risk arising from the use of information from this website is entirely the responsibility of the user.