1929

Kalinders
Gregoriaanske kalinder	1929 MCMXXIX
Ab urbe condita	2682
Armeenske kalinder	1378 ԹՎ ՌՅՀԸ
Etiopyske kalinder	1921 – 1922
Hebriuwske kalinder	5689 – 5690
Hindoekalinders
- Vikram Samvat	1984 – 1985
- Shaka Samvat	1851 – 1852
- Kali Yuga	5030 – 5031
Iraanske kalinder	1307 – 1308
Islamityske kalinder	1348 – 1348
Juliaanske kalinder	Gregoriaansk min 13 dgn.
Sineeske kalinder	4625 – 4626 乙辰 – 丙巳

1929 is in gewoan jier dat begjint mei in tiisdei. (Gregoriaanske kalinder foar 1929.)

Dit jier makket ûnderdiel út fan it desennium fan 'e 1920-er jierren.

• 5 jannewaris - Kening Aleksander I fan Joegoslaavje stelt de grûnwet bûten wurking en ropt de keninklike diktatuer út.
• 9 jannewaris - Penisilline wurdt foar it earst brûkt.
• 18 jannewaris - Yn 'e Nederlânske provinsje Grinslân sjit boere-arbeider Eije Wijkstra fjouwer fjildwachters dea.
• 31 jannewaris - By in útjouwerij yn Berlyn ferskynt it anty-oarlochsboek Im Westen Nichts Neues fan Erich Maria Remarque.
• 31 jannewaris - De yn ûngenede fallen kommunistyske lieder Leon Trotski wurdt út 'e Sovjet-Uny ferballe en wykt út nei Turkije.
• 11 febrewaris - De Italjaanske diktator Benito Mussolini slút mei paus Pius XI de Lateraanske Ferdraggen, wêrmei't foar it earst sûnt 1870 de formele relaasje regele wurdt tusken Itaalje en de Hillige Stoel. De wichtichste útkomst is dat Fatikaanstêd in soevereine, ûnôfhinklike steat wurdt.
• 12 febrewaris - De Fjirde Alvestêdetocht wurdt wûn troch Karst Leemburg út Ljouwert yn in tiid fan 11 oeren en 9 minuten.
• 14 febrewaris - By it saneamde Falentynsdeibloedbad, in mei grou geweld mank geande kriminele ôfrekken yn Chicago, komme sân bindeleden om.
• 28 febrewaris - De ûnoffisjele Tolhúster Alvestêdetocht wurdt wûn troch Marten van der Kooij en Ype Smid, beiden út Hylpen, yn in tiid fan 10 oeren en 32 minuten.
• 28 maart - De Sineeske diktator Chiang Kai-shek wit op de 3e Algemiene Gearkomste fan de Guomintang de hiele partij efter him te ferienjen.
• 28 maart - Oprjochting fan 'e Kuorbalferiening VKC.
• 16 maaie - Yn Hollywood wurde de Academy Awards (Oscars) foar de earste kear útrikt.
• 3 juny - Under bemiddeling fan 'e Amerikaanske presidint Herbert Hoover berikke Sily en Perû oerienstimming oer harren grinsskeel dat al sûnt de Salpeteroarloch fan 1879 geande is.
• 1 oktober - De Sovjet-Uny fiert de revolúsjonêre kalinder yn.
• 16 oktober - Yn Afganistan ropt Nadir Khan himsels út ta kening yn it plak fan 'e troch him ôfsette Habibûlla Gazi. Dêrmei komt in definityf ein oan 'e Barakzai-dynasty, dy't Afganistan sûnt 1835 regearre hat.
• 24 oktober - De effektebeurzen geane ûnderút: begjin fan 'e beurskrach fan 1929.
• 29 oktober - Swarte Tongersdei: de effektebeurzen stoarte folslein yn.
• 25 novimber - Yn 'e Sovjet-Uny set Josef Stalin syn eardere meistanners Nikolaj Bûcharin, Aleksej Rykov en Michail Tomski oan 'e kant, om't dy harren fersetten tsjin syn plannen foar in flugge yndustrialisaasje en kollektivisaasje fan de lânbou.
• 6 desimber - Yn Turkije wurdt it frouljuskiesrjocht ynfierd.
• 29 desimber - Yn Nederlânsk-Ynje wurde Soekarno en ferskate oare lânseigen lieders troch de Nederlânske koloniale autoriteiten oppakt en yn it tichthús smiten.

jannewaris

• 7 - Ken Henry, Amerikaansk reedrider († 2009)
• 11 - Nicoletta Orsomando, Italjaanske presintatrise († 2021)
• 14 - Jaap Wolthuizen, Frysk krúswurdpuzelmakker († 2017)
• 15 - Martin Luther King, Amerikaansk predikant en minskerjochte-aktivist († 1968)
• 17 - Jaap Goeman Borgesius, Nederlânsk politikus († 2003)
• 18 - Tjerk Vermaning, Nederlânsk amateur-archeolooch en ferfalsker († 1987)
• 19 - Jaap Pander, Frysk keatser († 2005)
• 21 - Hessel Miedema, Frysk dichter en keunsthistoarikus († 2019)
• 30 - Jan Kuperus, Frysk sakeman, topman Friesland Bank († 2011)

febrewaris

• 17 - Chaim Potok, Amerikaansk skriuwer († 2002)
• 22 - Will Simon, Nederlânsk presintator († 2017)
• 24 - Teije Brattinga, teolooch en Frysk skriuwer

maart

• 8 - Hebe Camargo, Brazyljaanske presintatrise, aktrise en sjongster († 2012)
• 12 - Win Tin, Myanmareesk politikus en sjoernalist († 2014)
• 18 - Christa Wolf, Dútsk skriuwster († 2011)
• 23 - Gerrit den Braber, Nederlânsk lietsjeskriuwer († 1997)
• 29 - Tseard Visser, Frysk byldzjend keunstner († 1979)

april

• 2 - Frans Andriessen, Nederlânsk politikus († 2019)
• 5 - Hugo Claus, Flaamsk dichter, skriuwer († 2008)
• 10 - Harry Bannink, Nederlânsk komponist († 1999)
• 10 - Max von Sydow, Sweedsk-Frânske akteur en filmregisseur († 2020)
• 20 - Paula Dennis, Nederlânsk sjongeres († 2016)

maaie

• 4 - Audrey Hepburn, Britsk aktrise († 1993)
• 9 - Aad van Dulst, Nederlânsk boargemaster († 2001)
• 20 - Theo Koomen, Nederlânsk sportferslachjouwer († 1984)
• 24 - Riekele Borger, Frysk-Dútsk assyriolooch († 2010)

juny

• 2 - Piebe Bakker, Frysk dirigint en skoalbestjoerder († 2002)
• 12 - Anne Frank, Joadsk-Dútsk oarlochsslachtoffer († 1945)
• 16 - Sabah al-Achmed al-Djaber al-Sabah, emir fan Koeweit († 2020)
• 23 - June Carter, Amerikaansk sjongster († 2003)

july

• 5 - Katherine Helmond, Amerikaansk aktrise († 2019)
• 28 - Jackie Kennedy, Amerikaansk presidintsfrou († 1994)
• 28 - Remco Campert, Nederlânsk dichter en skriuwer († 2022)

augustus

• 15 - Corrie Hafkamp, Nederlânske berneboekeskriuwster († 2020)
• 24 - Jasser Arafat, Presidint fan Palestina († 2004)
• 27 - Ira Levin, Amerikaansk skriuwer

septimber

• 7 - Thomas McKenna, Iersk akteur († 2011)
• 20 - Vittorio Taviani, Italjaansk regisseur († 2018)

oktober

• 18 - Kees Fens, Nederlânsk literatuerkritikus en letterkundige († 2008)
• 21 - Ursula K. Le Guin, Amerikaansk skriuwster († 2018)
• 31 - Bud Spencer, Italjaansk akteur en swimmer († 2016)
• 31 - Alex Brinksma, Frysk sportbestjoerder († 2015)

novimber

• 5 - Johan Bok, Frysk muzikant († 2002)
• 12 - Grace Kelly, Amerikaansk aktrise en prinsesse fan Monako († 1982)
• 15 - Willem Velema, Frysk heechlearaar nijtestamentyske fakken († 2019)
• 21 - Marilyn French, Amerikaansk skriuwster en feministe († 2009)

desimber

• 2 - Jaap Boersma, Nederlânsk politikus († 2012)
• 6 - King Moody, Amerikaansk akteur († 2001)
• 9 - Bob Hawke, premier fan Austraalje († 2019)
• 31 - Mies Bouwman, Nederlânsk presintatrise († 2018)

datum ûnbekend

• Don Iwerks, Amerikaansk kameraman, útfiner en ûndernimmer

• 13 jannewaris - Wyatt Earp, Amerikaansk plysjeman, revolverman en ikoan fan it Wylde Westen (* 1848)
• 22 jannewaris - Cornelis Lely, Nederlânsk wetterboukundige (* 1854)
• 16 febrewaris - Hidde Petrus Nicolaas Halbertsma, Frysk arsjitekt (* 1853)
• 4 april - Karl Benz, Dútsk autofabrikant en útfiner (* 1844)
• 2 juny - Blanke-Man-Regearret-Him (White-Man-Runs-Him), Kriesk ferkenner yn 'e tsjinst fan it Amerikaanske Leger (* 1858)
• 16 juny - Oldfield Thomas, Ingelsk biolooch (* 1858)
• 10 augustus - Aletta Jacobs, Nederlânsk dokter en feministe (* 1854)
• 22 desimber - Luther Hare, Amerikaansk militêr (* 1851)

Boarnen, noaten en/as referinsjes:

Commons  Ofbylden dy't by dit ûnderwerp hearre, binne te finen yn de kategory 1929 fan Wikimedia Commons.