Zwieselberg
| Zwieselberg | |
|---|---|
 | |
| Blazono de Zwieselberg | |
| eksa komunumo de Svislando • vilaĝo • kvartalo | |
| Kantono | Berno |
| Administra distrikto | Thun |
| Malnova distrikto ĝis 2009 | Thun |
| Koordinatoj | 46° 42′ 32″ N 7° 36′ 54″ O / 46.70889 °N, 7.61500 °O (mapo)Koordinatoj: 46° 42′ 32″ N 7° 36′ 54″ O / 46.70889 °N, 7.61500 °O (mapo) |
|
| |
| Nombro de loĝantoj | 270 |
| Areo | 2,45 km² |
| Alteco | 660 m super marnivelo |
| Poŝtkodo | 3645 |
| Komunumkodo | 0947 |
 | |
| Mapo de Zwieselberg | |
Zwieselberg estis ĝis la 31-a de decembro 2009 komunumo de la distrikto Thun kaj ekde la 1-a de januaro 2010 komunumo de la administra distrikto Thun en Kantono Berno, Svislando. Ĝi havis 270 loĝantojn je la 31-a de decembro 2010.
Geografio
Zwieselberg situas en la Svisaj Antaŭalpoj en Berna Oberlando, sude de la urbo Thun kaj sudokcidente de la Lago de Thun. En oriento la komunumo etendiĝas ĝis al la bordo de la rivero Kander. En granda kurbo tra la komunumo pasas la rivereto Glütsch. En okcidento de la komunumo troviĝas la monteto Zweiselbergbeissere, sur kiu sur alteco de 823 m s.m. troviĝas la plej alta punkto de la komunumo. La komunumo konsistas el la setlejoj Glütsch, Chrüzgass (sur alteco de 652 m s.m. en la centro, ĝi estas la ĉefloko de la komunumo), Oberi Gass (sur alteco de 666 m s.m. rekte oriente de Chrüzgass), Stallägerte (sur alteco de 600 m s.m. nordoriente de Chrüzgass), Underi Gass (sur alteo de 650 m s.m. nordokcidente de Chrüzgass) kaj Ati Schlyffi (sur alteco de 597 m s.m. en la valo de Glütsch).[1]
La teritorio de la komunumo etendiĝas sur areo de 2,45 km², de kiuj 26,1% estas kovritaj de arbaro, 62,9% servas por agrikulturo kaj 9,8% por setlado. [2]
Najbaraj komunumoj
La komunumo Zwieselberg limas en nordo al Thun, en oriento al Spiez, en sudo al Reutigen, en okcidento al Höfen ĉe Thun, kaj en nordokcidento al Amsoldingen.
Trafiko
En oriento tra la komunuma teritorio pasas la kantona ĉefvojo n-ro 230 de Thun al Wimmis. De la kantona ĉefvojo kondukas okcidenten tra la komunuma teritorio la vojo n-ro 1106 al Amsoldingen. La plej proksima alveturejo al la svisa aŭtovojo A6, kiu pasas laŭlonge de la norda komunumlimo troviĝas nordokcidente de la komunumo en sudo den Thun en distanco de proksimume 3 kilometroj de la komunumo. Per la buslinio n-ro 55 de la transportentrepreno Thun-Interlaken de Thun al Wimmis la komunumo estas konektita al la publika transportreto.
Historio
Zwieselberg apartenis dum mezepoko al la paroĥo Amsoldingen kaj historie dividis ties sorton.[3] En 1712 la rivero Kander, kiu ĝis tiam kun inundoj minancis la teritorion de la komunumo, estis alikondukita al la Lago de Thun. Tio ebligis la konstruon de la vojo de Thun al Simme-Valo. En la 1930-aj jaroj ankaŭ la marco laŭlonge de la rivero Glütsch estis sekigita kaj ĝia teritorio fariĝis frukta agrikultura areo.[4]
Notoj kaj referencoj
- ↑ Fonto: Reta mapo 1:20000 de Swisstopo[rompita ligilo]
- ↑ Fonto: Komunumdatumoj de la retejo de la Svisa Federacia Oficejo pri Statistiko, retejo konsultita la 5-an de novembro 2011
- ↑ Fonto: Anne-Marie Dubler: Amsoldingen en Historia Leksikono de Svislando (2010-07-10)
- ↑ Fonto: Artikolo pri Zwieselberg en la retejo de la regiono Thun-West Arkivigite je 2012-07-17 per la retarkivo Wayback Machine
Eksteraj ligiloj
- Paĝo pri Zwieselberg en la retejo de la regiono Thun-West Arkivigite je 2012-07-17 per la retarkivo Wayback Machine
- Vidu ankaŭ en la Vikimedia Komunejo la kategorion Zwieselberg – (Kolekto de bildoj kaj plurmediaj dosieroj)
| ||||||
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.