Turkovice

Tiu ĉi artikolo temas pri municipo en distrikto Pardubice. Pri parto de municipo Ondřejov temas artikolo Turkovice (Ondřejov).

Turkovice
municipo
Preĝejo de sankta Marteno
Flago Blazono
Oficiala nomo: Turkovice
Ŝtato	Ĉeĥio
Regiono	Regiono Pardubice
Distrikto	Distrikto Pardubice
Administra municipo	Přelouč
Historia regiono	Bohemio
Montaro	Fera montaro
Situo	Turkovice
- alteco	349 m s. m.
- koordinatoj	49° 57′ 09″ N 15° 32′ 56″ O / 49.95250 °N, 15.54889 °O / 49.95250; 15.54889 (mapo)
Areo	5,31 km² (531 ha)
Loĝantaro	317 (2024)
Denseco	59,7 loĝ./km²
Unua skribmencio	1257
Horzono	MET (UTC+1)
- somera tempo	MET (UTC+2)
Poŝtkodo	533 63
NUTS 3	CZ053
NUTS 4	CZ0532
NUTS 5	CZ0532 575844
Katastraj teritorioj	3
Partoj de municipo	3
Bazaj setlejunuoj	3
Situo enkadre de Ĉeĥio
Vikimedia Komunejo: Turkovice (okres Pardubice)
Retpaĝo: www.turkovice.cz
Portalo pri Ĉeĥio

Municipo Turkovice troviĝas en Ĉeĥio, regiono Pardubice, proksime de la ŝoseo n-ro 17 el Čáslav al Heřmanův Městec, Chrudim, proksimume 10 km okcidente de Heřmanův Městec kaj proksimume 10 km sude de la urbo Přelouč. La komunumo konsistas el tri lokpartoj - Turkovice, Bumbalka kaj Rašovy. Vivas ĉi tie 317 loĝantoj (2024). En tuta komunumo estas registritaj 236 domoj, el tio en parto Turkovice 74. Nomo de la komunumo devenas de la vorto "taŭro", ĉeĥe "tur", ne de "turko, turka".

La najbaraj municipoj de la setlejo estas Semtěš, Sovolusky, Podhořany u Ronova, Holotín, Bukovina u Přelouče kaj Urbanice.

• Turkovice
• Bumbalka
• Rašovy

Origine frugotika preĝejo de Sankta Marteno el la jaro 1348, estis en la jaro 1729 aranĝita baroke kaj empire. En la jaroj 1816-17 estis alkonstruita turo, sakristio kaj oratorioj. Ĝi estas negranda ununava preĝejo kun ortangula pastrejo. La eksteraĵo estas dividata per lizenoj. La altaro estas pseŭdobaroka, bildo de Sankta Bartolomeo de J. Brandejs, predikejo kun figuraj reliefoj kaj statuoj el la dua duono de 18-a jarcento, frubaroka ŝtona baptujo. Ĝi servis kiel paroĥa preĝejo kaj familia tombo de posedantoj de sinjorejo Podhořany. Ĉe la preĝejo estas tombejo.

Enteriga kapelo de Pachtoj el Rájov estas empira el la jaro 1839. De la kapelo gvidas alta apogmuro de la deklivo kun ŝtuparo al paroĥejo. En tiu ĉi tombeja muro troviĝas naŭ renesancaj tomboŝtonoj.

Paroĥejo estas baroka el la jaro 1731, komence de la 19-a jarcento rearanĝita.

Lernejo sur vilaĝplaco antaŭ la preĝejo havas relative longan tradicion. Lerni en la komunumo oni komencis jam en la jaro 1720. Oni lernis trivion - legadon, skribadon kaj kalkuladon kaj ankaŭ religion.

Statuo de Sankta Johano Nepomuka estas sur vilaĝplaco antaŭ la lernejo. Ĝi devenas el 18-a jarcento.

• Marek Podhorský: Pardubický kraj. Eldonis freytag & berndt, eldonejo en Prago en j. 2004.
• Dr. E. Poche, DrSc. a kol. – Umělecké památky Čech. Eldonis Akademia en Prago en j. 1978.

Oficialaj paĝoj de la komunumo^{[rompita ligilo]} ĉeĥe