|
Banín
Municipo Banín situas en Ĉeĥio, regiono Pardubice, distrikto Svitavy, super valo de la rivero Svitava, proksime de la ŝoseo n-ro 43 inter Hradec Králové kaj Brno, respektive inter Svitavy kaj Letovice, 8 km okcidente de la urbo Březová nad Svitavou. Vivas ĉi tie 302 loĝantoj (2024). La najbaraj municipoj de la setlejo estas Rohozná, Bělá nad Svitavou, Březová nad Svitavou, Hradec nad Svitavou, Lavičné, Radiměř kaj Stašov. HistorioLa unua mencio pri vilaĝo Banín estis en la jaro 1291 kiel circa villam Banín. Pli poste estis nomata villam Banyn et Nouam Belam, Banyns, Banina cum Filia. Germane ĝi estis nomata (Bohnau). LoĝantaroEvoluo de nombro de loĝantoj La datoj devenas el datumbazo de Vikidatumoj
MemorindaĵojPreĝejoEn centro de la vilaĝo sur monteto estas tombejo kaj en ĝi preĝejo de Sankta Barbara, konstruita komence de la 14-a jarcento. Rekonstruita ĝi estis en la jaro 1488, la prisma turo estis alkonstruita antaŭ la okcidenta frontalo en la jaro 1559. La preĝejo estas ununava kun ortangule fermita presbiterejo kaj sakristio sur norda flanko. Super muroj de la preĝejo kaj turo estas lignaj etaĝoj sur kantilevroj. La presbiterejo estas volbita krucforme kun ripoj, triumfa arko estas duoncirkla, la navo platplafona kun ligna ĥorejo. En la orienta vando de la presbiterejo estas ŝtona sankta ŝranko. La ĉefa altaro havas baldaĥenan tabernaklon kun statueto de Sankta Barbara el la fino de 17-a jarcento, sur ambaŭ flankoj po unu anĝelo el la 18-a jarcento. Du flankaj altaroj estas portalaj el la fino de 17-a jarcento, kun bildoj el la 2-a duono de 18-a jarcento. En niĉo super la triumfarko estas statuo de Sankta Floriano. En la navo estas bildo de Sankta Johano Nepomuka kaj en presbiterejo bildo de Sankta Barbara, ambaŭ el la komenco de 19-a jarcento. La Kalvaria vojo estas el tempo ĉirkaŭ la jaro 1800. En la tombejon gvidas masonita pordego barele volbita kun bulba tureto. Sinjora kortoSur norda rando de la vilaĝo situas triala sinjora korto kun balkonkoridoro sur arkadoj al la interna korto. ĈarpentaĵojEn la vilaĝo estas kelkaj ĉarpentitaj kortoj, nombroj 15, 71, 73, 87, 24, situantaj ĉirkaŭ la centra korto. NemakulitaSub la preĝejo troviĝas kolono kun statuo de Nemakulita el la jaro 1721. Bibliografio
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
Portal di Ensiklopedia Dunia
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |