Kamigina bubuko
 | ||||||||||||||
|---|---|---|---|---|---|---|---|---|---|---|---|---|---|---|
 | ||||||||||||||
| Biologia klasado | ||||||||||||||
| ||||||||||||||
| Ninox leventisi (Rasmussen, Allen, D, Collar, Hutchinson, Jakosalem, Kennedy, RS, Lambert & Paguntalan, 2012) | ||||||||||||||
| Konserva statuso | ||||||||||||||
 Malhelblua: Kamigina bubuko, N. leventisi
| ||||||||||||||
Aliaj Vikimediaj projektoj
| ||||||||||||||
Kamigina bubuko, konata ankaŭ kiel Kamigina akcipitrostrigo (Ninox leventisi), estas specio de strigoj en la familio Strigedoj kaj genro Ninox. Ĝi estas endemio de Filipinoj, kie ĝi vivas en arbaroj. La Kamigina bubuko estas unu el la strigoj en la komplekso de Filipina bubuko. Ĝi estas endemio de la insulo Kamigino en Filipinoj. Ĝi antaŭe estis konata kiel subspecio de la Filipina bubuko, sed estis reklasifikita en 2012, ĉar voĉo kaj aliaj indikaĵoj sugestis, ke ĝi estas aparta specio.[1] Ĝi estas la sola strigo en la lando kun verdecflavaj aŭ grizecaj okuloj.
Aspekto
eBird priskribas la birdospecion jene: "Rara mezgranda strigo de restanta larĝfolia arbaro sur Kamigina Insulo. Unuforme strieca, kun brunaj kapo kaj supraj partoj, pala strio malantaŭ la ŝultro, pli varmaj brunaj subaj partoj, longaj lipharoj ĉirkaŭ la vizaĝo, kaj palflavaj okuloj. Notu la blankan gorĝomakulon. Kanto estas rapida serio de sufiĉe malaltaj "ŭop"-notoj, foje donitaj duete. Blanka gorĝo estas aparte rimarkebla dum vokado."[2]
Inter la specikomplekso, ĉi tiu strigo estas unika ĉar ĝiaj okuloj estas okulfrape verdecflavaj kompare kun la normaj flavaj aŭ ruĝecbrunaj okuloj de la cetero de ĝiaj rilataj specioj.
Kune kun la Romblona bubuko kaj la Cebua bubuko, ĝi estas la plej granda en la specikomplekso de Filipinaj bubukoj, atingante grandecojn de 25 cm alta kompare kun la multe pli malgrandaj Luzona bubuko, Mindanaa bubuko, Mindora bubuko kaj Sulua bubuko, kiuj varias en grandeco de 15 ĝis 20 cm altaj.[3]
Ekologio kaj kutimaro
La ekologio de ĉi tiu specio ankoraŭ ne estas detale studita, sed oni supozas, ke ĝi havas tipan dieton de bubukoj, konsistantan el insektoj, malgrandaj mamuloj, reptilioj, amfibioj kaj eble eĉ birdoj. Nenio estas konata pri ĝiaj reproduktaj kutimoj, sed oni supozas, ke ili nestas en arbaj kavaĵoj kiel aliaj bubukoj.[4]
Habitato kaj konservostatuso
Ĝia vivejo estas en tropikaj humidaj malaltebenaĵaj primaraj kaj sekundaraj arbaroj ĝis 700 metrojn super marnivelo. Ĝi ankaŭ estas foje vidata sur arbaraj randoj, maldensejoj kaj plantejoj.[3]
La Ruĝa Listo de IUCN klasifikas ĉi tiun birdon kiel vundeblan kun populaciaj taksoj de 250 ĝis 999 maturaj individuoj. La ĉefa minaco de ĉi tiu specio estas habitatoperdo kun pogranda senigo de arbaraj vivejoj kiel rezulto de laŭleĝa kaj kontraŭleĝa arbohakado, minado kaj konverto al terkulturaj teroj per bruligado kaj urbigo plejparte pro enfluo de turistoj, kiuj devigis ĉi tiujn birdojn al la altaĵoj.
Nuntempe ne okazas specispecifaj konservadaj programoj, sed la proponitaj konservadaj agoj inkluzivas pliajn speciesplorojn por pli bone kompreni la vivejon kaj populacion. Iniciati edukajn kaj konsciigajn kampanjojn por levi la profilon de la specio kaj enstampi fieron ĉe lokuloj. Lobii por protekto de la restanta arbaro.
Referencoj
- ↑ New Owl Species: Camiguin Hawk-Owl, Cebu Hawk-Owl Discovered In Philippines
- ↑ Camiguin Hawk-owl. Arkivita el la originalo je 30a de Marto 2020.
- ↑ 3,0 3,1 Allen, Desmond. (2020) Birds of the Philippines. Barcelona: Lynx and Birdlife International Guides, p. 172–177.
- ↑ (2020) “Camiguin Boobook (Ninox leventisi), version 1.0”, Birds of the World (en). doi:10.2173/bow.camboo1.01.
- Olson, Storrs L. (1985): IX.C. Strigiformes. En: Farner, D.S.; King, J.R. & Parkes, Kenneth C. (eld.): Avian Biology 8: 129–132. Academic Press, New York.
- Kennedy, R.S., Gonzales P.C., Dickinson E.C., Miranda Jr, H.C., Fisher T.H. (2000) A Guide to the Birds of the Philippines, Oxford University Press, Oxford.
Eksteraj ligiloj
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.