Insulo Maziwi, oficiale Marreservejo Insulo Maziwi (svahile Kisiwa Hifadhi Akiba Bahari cha Maziwi) estas senvegetaĵa, protektita insulo ĉirkaŭita de koralaj rifoj situanta proksimume 8 kilometrojn sud-oriente de la urbo Pangani for de la norda marbordo de Regiono Tanga en Tanzanio. La insulo estas administrata de la subdistrikto Mwera de Distrikto Pangani. Tamen, ĝi estas nuntempe sub la sistemo de Marrezervejoj Tanga. Ĝi iĝis naturrezervejo en 1975. Iam la insulo estis pli granda ol sia nuna areo kaj estis vegetaĵa sed pro la perdo de siaj kokosarboj kaj arbusta kovro, ĝi suferis erozion kaj nun estas foje tute mergita dum la plej altaj tajdoj. Ĥelonioj ne plu nestas sur la insulo, sed ĝi estas vizitata de multaj marbirdoj. La maro enhavas multajn speciojn de koraloj kaj pli ol ducent speciojn de fiŝoj. La rezervejo ricevis malmulte da aktiva konservadlaboro sed administrado nun estas apogita pagigante malgrandan monsumon al turistoj, kio kutimas kompensi al lokaj fiŝkaptistoj la perdon de enspezo.
Vidu ankaŭ
Eksteraj ligiloj
