En matematiko, la identa funkcio estas funkcio, kiu ĵetas ĉiun elementon de iu aro al ĝi mem.

Formale: Por ajna aro A, la identa funkcio sur A, nomata ${\displaystyle \mathrm {id} }$ aŭ ${\displaystyle \mathrm {id} _{A}}$, estas la funkcio ${\displaystyle \mathrm {id} :A\rightarrow A}$ tia, ke ${\displaystyle \mathrm {id} (x)=x}$ por ĉiu x en A.

La identa funkcio estas inversigebla kaj estas sia propra inverso:

${\displaystyle (\mathrm {id} _{A})^{-1}=\mathrm {id} _{A}}$

Ĝi estas neŭtrala elemento rilate al la operacio de funkcia komponado: Por ajna funkcio ${\displaystyle f:A\rightarrow B}$ validas:

${\displaystyle f\circ \mathrm {id} _{A}=\mathrm {id} _{B}\circ f=f}$

Alivorte, ${\displaystyle \mathrm {id} _{A}}$ estas neŭtrala elemento de la monoido de ĉiuj funkcioj de A al A kun la operacio de funkcia komponado, kaj ankaŭ en la grupo de ĉiuj inversigeblaj funkcioj de A al A, la simetria grupo ${\displaystyle \mathrm {Sym} (A)}$.