Matematika funkcio nomiĝas dissurĵeto, se ĝi estas kaj disĵeto, kaj surĵeto.

Inversigebla funkcio aŭ bijekcio estas ĉie difinita dissurĵeto (priskribebla ankaŭ kiel ĉie difinita reciproke unuvalora rilato aŭ 1-1-reciprokeco). La karakterizon inversigebla pravigas tio, ke la inverso de ĉie difinita dissurĵeta funkcio (konsiderata kiel duvalenta rilato) estas duvalenta funkcia rilato, kiu mem estas ĉie difinita dissurĵeta funkcio.

Oni povas difini la nociojn dissurĵeta funkcio kaj inversigebla funkcio ankaŭ rekte, sen mencii la nociojn disĵeto kaj surĵeto:

Estu ${\displaystyle f}$ funkcio ("ĵeto") de ${\displaystyle X}$ al ${\displaystyle Y}$, t.e. ${\displaystyle f:X\to Y}$.

${\displaystyle f}$ estas dissurĵeto, se por ĉiu ${\displaystyle y}$ el ${\displaystyle Y}$ ekzistas ne pli ol unu ${\displaystyle x}$ el ${\displaystyle X}$ tia, ke ${\displaystyle f(x)=y}$.

${\displaystyle f}$ estas inversigebla funkcio aŭ bijekcio, se por ĉiu ${\displaystyle x}$ el ${\displaystyle X}$ ekzistas unu kaj nur unu ${\displaystyle y}$ el ${\displaystyle Y}$ tia, ke ${\displaystyle f(x)=y}$, kaj por ĉiu ${\displaystyle y}$ el ${\displaystyle Y}$ ekzistas tia ${\displaystyle x}$ el ${\displaystyle X}$, ke ${\displaystyle f(x)=y}$.

Ĉar ne ĉiuj funkcioj (eĉ en la plej kutimaj kaj ofte renkonteblaj klasoj de funkcioj, kiel racionalaj funkcioj) estas ĉie difinitaj, estas grave konscii pri la diferenco inter funkcioj dissurĵetaj unuflanke kaj inversigeblaj (sinonime, bijekciaj) aliflanke. Ĉiu inversigebla funkcio estas dissurĵeta, sed ne ĉiu dissurĵeta funkcio estas inversigebla.

• Disĵeto
• Surĵeto