Oberiadur-brezel Gomorrah

bombezadenn Hamburg e-kerzh an Eil Brezel-bed

bombezadeg ur gêr dre nij

Rann eus	strategic bombing during World War II
Stad	Alamagn
E tiriad	Hamburg
Lec'h	Hamburg
Daveennoù douaroniel	53°33′2″N 9°59′36″E
Deiziad	1943
Deiziad kregiñ	24 Gou 1943
Deiziad echuiñ	3 Eos 1943
Perzhiad	Rouantelezh-Unanet, Stadoù-Unanet

Oberiadur-brezel Gomorrah (saozneg "Operation Gomorrah") a reer eus un heuliad bombezadegoù war kêr Hamburg, e hanternoz Alamagn, etre ar 24 a viz Gouere hag an 3 a viz Eost 1943, gant nijerezioù saoz ha stadunanat.

Dre ma oa ur gêr vras gant ur c'hreiz-kêr greantel, gant chanter-listri Hamburg, bonioù listri-spluj, purerezh eoul Hamburg-Harburg... e oa bet taget alies gant kirri-nij brezel ar Gevredidi.

Evel lodenn eus ur c'hampagn strategel gant ar Gevredidi da vombezañ e-kerzh an Eil Brezel-bed, an dagadenn e-kerzh dibenn sizhun diwezhañ Gouhere 1943, anvet Operation Gomorrah, a oa bet abeg, etre ar 27 hag an 28 a viz Gouere, da unan eus brasañ tangwallioù c'hwezhet gant ar Royal Air Force hag an United States Army Air Forces e-kerzh an Eil Brezel-bed. Lazhet e oa bet 37 000 den en Hamburg, ha gloazet 180 000 den ouzhpenn, distrujet e oa bet 60% eus tiez kêr. An dagadenn washañ e voe en Alamagn, gant bombezadeg Dresden. Abalamour d'an niver a drevourien a voe lazhet e c'haller sellet ouzh an oberiadur Gomorrah evel un torfed-brezel.