Marc'hhouarnerezh e Pluveleg

Ur redadeg digor d'ar varc'hhouarnerien a-vicher eo Grand-Prix Pluveleg-Mor Bihan, aozet bep bloaz e Pluveleg gant ur pal e krec'h krec'hienn Kadoudal. Ouzhpenn ar redadeg e vez kinniget d'an dud kemer perzh e La Morbihannaise Jean Floc’h (troioù-bale war droad pe war varc'h-houarn).

Manche-Atlantique eo ar redadeg war varc'h-houarn a lañs ar bloavezh e bed ar varc'h-houarn amatour e Breizh. Aozet e vez bep bloaz abaoe 1972 e deroù miz Meurzh (e Pluveleg emañ ar pal abaoe 1997). War listenn al loreidi ez eus anvioù brudet evel re André Chalmel, Yvon Madiot, Dominique Le Bon, Jacky Durand, Stéphane Heulot, Lilian Jégou pe David Le Lay.
E 2010 e voe gounezet ar redadeg gant Julien Foisnet goude 158 kilometr a redadeg etre Lanyugon ha Pluveleg. Ret e voe d'ar varc'hhouarnerien pignat seizh gwech krec'hienn Kadoudal.

E 1973 e voe aozet evit ar wech kentañ kampionad marc'h-houarn Frañs e Pluveleg.

Deuet eo Tro Frañs peder gwech e Pluveleg gant tri fal, daou zeroù hag ur rakredadeg.

Bloaz	Tennad	Redad	km	Trec'hour an tennad	Roched melen
1982	Tennad 9A	An Oriant - Pluveleg	69 (ABE/SK.)	Ti-Raleigh	Phil Anderson
1982	Tennad 9B	Pluveleg - Naoned	138,5	Stefan Mutter	Phil Anderson
1985	Rakredadeg	Pluveleg – Pluveleg	6,8	Bernard Hinault	Bernard Hinault
1997	Tennad 3	Vire - Pluveleg	224	Erik Zabel	Mario Cipollini
1997	Tennad 4	Pluveleg – Le Puy-du-Fou	223	Nicola Minali	Mario Cipollini
2008	Tennad 1	Brest – Pluveleg	197,5	Alejandro Valverde	Alejandro Valverde