6 mm Flobert

6 mm Flobert
Kartouchennoù 6 mm Flobert hag o boest
Doare
Kalibr	.22 / 5,56 mm
Doare douilhez	bourled
Doare skeiñ	war an dro
Bro orin	Bro-C'hall
Muzulioù
Ø bannadell	5,7 mm
Ø kolier	5,7 mm
Ø korf an douilhez	5,7 mm
Ø strad	6,9 mm
Tevder ar strad	1 mm
Hirder an douilhez	7,2 mm
Hirder ar gartouchenn	8,7 mm
Perzhioù all
Pouez ar vannadell	1 g
Tizh o vont e-maez V0	230 - 240 m/s
Energiezh ar vannadell	27 - 35 J
Lezenn
Rummad e Bro-C'hall	C

Ar 6 mm Flobert, anvet ivez .22 BB Cap (Bulleted Breach Cap) zo ur munision ijinet e 1845 evit ar pistolennoù gant ar Gall Louis-Nicolas Flobert. N'eus ket poultr ennañ : poulzet e vez e voled gant un darzhadenn fulminat merkur, dezhi ur galloud heñvel ouzh hini un emors a-vremañ. Ur stumm all eus ar munision a gaver, begek e voled, anvet e Stadoù-Unanet Amerika .22 CB Cap (Conical Bullet Cap). En Europa e raer gant an anv 6 mm Flobert evit an daou seurt kartouchennoù.

Abalamour d'o galloud izel par da hini ur vannadell kaset gant aer gwasket, ne vez ket implijet stank ar munision-mañ e bed ar sportoù tennañ pe ar chase. Ar 6 mm Flobert en deus awenet an Amerikaned Horace Smith ha Daniel B. Wesson evit ijinañ ar munisionoù .22 Short a vo deveret anezhe kalz a galibroù eus ar familh .22 evel an .22 Long, an .22 Extra Long hag an .22 Long Rifle.

• Taolenn ar munision war lodenn TDCC lec'hienn ar CIP

  Stag eo ar bajenn-mañ ouzh Porched an Armoù-tan