Lineage II

Lineage II
Распрацоўшчык NC[d]
Выдавец NC[d]
Частка серыі Lineage[d]
Дата выпуску 1 кастрычніка 2003
Жанр MMORPG
Тэхнічныя даныя
Платформа Windows[1]
Гульнявы рухавік Unreal Engine 2.5[d]
Рэжым гульні шматкарыстальніцкая гульня
Мова інтэрфейсу карэйская
Носьбіты CD і лічбавае распаўсюджванне
Кіраванне камп’ютарная клавіятура
Расія l2.ru
Паўднёвая Карэя lineage2.co.kr
Еўрапейскі Саюз lineage2.eu
Злучаныя Штаты Амерыкі lineage2.com
Кітай tiantang2.qq.com

Lineage II (/ˈlɪnɪɪʤ tu:/; кар.: 리니지 2;) — камп’ютарная гульня у жанры MMORPG для АС Windows. Першы рэліз гульні адбыўся 1 кастрычніка 2003 года ў Паўднёвай Карэі. Гульня з’яўляецца прыквелам, дзеянне якога адбываецца за 150 гадоў да падзей першай часткі Lineage. Гульня выканана ў сетынгу фэнтэзі. Сюжэт разгортваецца на спустошаных звадамі багоў землях Адэна і Грацыі. У суровых умовах, сярод наступстваў вайны багоў і пастаянных катаклізмаў, насельнікі двух кантынентаў вымушаныя пастаянна змагацца за сваё жыццё і дабрабыт. Расійскае выданне Lineage 2 выйшла праз 5 гадоў: першыя серверы гульні былі запушчаныя 15 снежня 2008 года[2]. Выдавец на тэрыторыі Расіі і СНД — кампанія «Иннова».

Гульнявы працэс

Lineage 2 — гэта класічная MMORPG з выглядам ад трэцяй асобы. У пачатку гульцу прапануецца стварыць персанажа, выбраўшы пол, адну з 7 рас (людзі, эльфы, цёмныя эльфы, оркі, гномы, камаэлі або артэі) і пачатковы архетып (воін ці містык). Пасля гэтага гулец трапляе ў адкрыты свет, у якім яму трэба будзе развіваць персанажа.

PvE-складнік

У Lineage 2 гулец можа выконваць квэсты, змагацца з монстрамі, забіваць рэйдавых босаў, праходзіць падзямеллі і г.д. за гэта персанаж будзе атрымліваць вопыт, а пры назапашванні пэўнай яго колькасці павышаць свой узровень. Пры дасягненні 20-га, 40-га, 76-га і 85-га узроўняў персанаж развівае свой клас — атрымлівае новую прафесію і навыкі. Усяго ў гульні 36 класавых прафесій, якія адносяцца да класічных для ролевай гульні архетыпам. Падвысіўшы персанажа да 105-га ўзроўня, гулец можа стварыць яму другі клас. Яго таксама прыйдзецца развіваць. Пасля атрымлівае магчымасць перамыкацца паміж падвойным і асноўным класам, зыходзячы з патрэб і стылю гульні.

PvP-складнік

У Lineage 2 дзейнічае свабодная PvP-сістэма, не абмежаваная спецыяльнымі рэжымамі[3]. Гэта значыць гулец можа атакаваць іншага гульца ў любы час. Пры гэтым імя атакавалага персанажа афарбоўваецца ў фіялетавы колер, што азначае яго гатоўнасць да бітвы. Калі гулец, які стаў мэтай, не акажа супраціву, то пасля забойства атакоўцу будуць налічаны ачкі адмоўнай кармы, а імя яго персанажа афарбуецца ў чырвоны колер, які сігналізуе аб хаатычным стане. Забойцы мірных гульцоў атрымліваюць штраф у выглядзе негатыўных эфектаў, пакуль іх карма зноў не стане станоўчай.

У гульні прадстаўлена некалькі відаў PvP-актыўнасці, як адзіночных, так і разлічаных на сотні чалавек:

  • «Сусветная Алімпіяда» — спаборніцтва, у якім гульцы розных класаў змагаюцца на арэнах адзін супраць другога; у канцы месяца пераможца атрымлівае тытул героя свайго класа.
  • «Фестываль хаосу» — аналаг каралеўскай бітвы. Персанажы трапляюць на арэну і змагаюцца ў фармаце «адзін супраць усіх», пакуль «у жывых» не застанецца адзін персанаж.
  • Паляванне за «праклятай зброяй» — актыўнасць у адкрытым свеце. Гулец захоплівае «праклятую зброю», за якім пачынаюць паляваць многія гульцы ўсяго сервера. Мэта гульца — выжыць і забіць «праклятай зброяй» як мага больш іншых персанажаў, каб атрымаць узнагароду.
  • Аблога замкаў — глабальная актыўнасць у маштабах сервера, якая праводзіцца 1 раз на 2 тыдня. Любы клан можа захапіць адзін з 8 замкаў, каб потым на працягу двух тыдняў атрымліваць за гэта спецыяльныя бонусы. З пачаткам наступнага двухтыднёвага цыкла, іншыя кланы могуць паспрабаваць адваяваць замак або дапамагчы ўладальнікам з абаронай.
  • «Аблогі іншага вымярэння» — варыянт аблог замкаў у межсерверным маштабе.

Баявая сістэма

Для нападу гулец павінен вылучыць цэль мышшу, затым выкарыстоўваць дзеянні або ўменні, размешчаныя на панэлі хуткага доступу. У якасці альтэрнатывы традыцыйнаму (гэта значыць ўручную) кіраванню персанажам пры паляванні на монстраў ў Lineage 2 можна выкарыстоўваць так званы «Аўтабой» — сістэму, пры якой персанаж аўтаматычна вылучае монстра, атакуе яго загадзя абранымі ўменнямі і пры неабходнасці выкарыстоўвае зеллі аднаўлення здароўя. Аднак, пры гэтым персанаж лёгка можа стаць ахвярай забойцаў мірных гульцоў.

Альтэрнатыўныя версіі гульні

Lineage 2 Classic

У Lineage 2 Classic распрацоўшчыкі пайшлі насустрач часткі супольнасці, якая лічыла самай цікавай версію гульні да абнаўлення Goddess of Destruction, якая выйшла ў 2011 годзе. Для іх быў прадстаўлены асобны праект, які падобны на старыя версіі гульні, але развіваецца па адрознаму ад іх шляху, блізкаму па духу гульцам «старой школы». У Расіі праект быў запушчаны 18 лістапада 2014 года[4].

Асноўныя адрозненні ад асноўнай версіі: адсутнасць расы артэй, якая з’явілася пасля абнаўлення Goddess of Destruction; адсутнасць магчымасці атрымання 4-й прафесіі; адсутнасць магчымасці атрымання падвойнага класа «класічная» «партыйная» сістэма з папярэдніх Goddess of Destruction версій гульні.

Lineage 2 Essence

Lineage 2 Essence — іншая альтэрнатыўная версія гульні. У Карэі Essence выйшла ў 2018 годзе пад назвай Lineage 2 Aden як комплекс дадатковых сервераў да версіі Lineage 2 Classic. Афіцыйны рэліз у Расіі адбыўся 23 красавіка 2019 года пад назвай Essence. Дадзеная версія пазіцыянуецца як паўнавартасная гульня па-за складу Lineage 2 Classic. Выдавец заяўляе, што назва Essence сімвалізуе сутнасць новай версіі — самай лёгкай у засваенні і прапампоўцы.

Асноўнымі адрозненнямі ад асноўнай версіі гульні з’яўляецца магчымасць «аўтаматычнага палявання» (сістэма аўтаматычнага бою), агульнае паскарэння працэсу павышэння ўзроўню персанажаў і самадастатковасць класаў персанажаў[5]. Клас «рыцар смерці», якім могуць стаць прадстаўнікі людзей, эльфаў і цёмных эльфаў; сістэма гадаванцаў — забіўшы асаблівага рэйдавага боса, гульцы могуць атрымаць аднаго з гадаванцаў — кукабарру, дракона, тыгра, ваўка, ястраба або буйвала, — гадаванец эвалюцыянуе, прапампоўваецца і дапамагае гаспадару ў баі; набор PvP-актыўнасцяў, кардынальна адрозны ад асноўнай версіі. Таксама ў гэтай версіі ёсць асаблівыя межсерверные зоны («Логава Антараса», «Першабытны Сад»), у якіх гульцы змагаюцца за права забойства ключавых рэйдавых босаў.

Да недахопаў версіі на 2019 год (у Расійскай лакалізацыі) адносілі старую праграмную аснову («рухавік») гульні, якая паўтарыла памылкі з папярэдніх версій Lineage і няўдалую для гульца схему манетызацыі[5].

Крытыка

Арыгінальная версія гульні (Lineage II: The Chaotic Chronicle) атрымала ацэнку 82/100 на агрэгатары рэцэнзій рускамоўных выданняў «Критиканство» на аснове 3 рэцэнзій. На замежных агрэгатарах рэцэнзій гульня атрымала 64,78 % на GameRankings на аснове 38 рэцэнзій і 62/100 на Metacritic на аснове 37 рэцэнзій.

Гульня ў версіі Lineage II: The Chaotic Throne атрымала ацэнку 83/100 на «Критиканстве» на аснове 3 рэцэнзій[18] і 56,50 % на GameRankings на аснове 6 рэцэнзій[19].

Зноскі

  1. ↑ AreWeAntiCheatYet Праверана 29 чэрвеня 2025.
    <a href="https://dokumen123.com/be/https://wikidata.org/wiki/Track:Q123823798"></a>
  2. ↑ 16주년 축하 인사 <강기영x박진주>
  3. ↑ PvP игры (руск.). MMO13. Архівавана з першакрыніцы 27 лютага 2020.
  4. ↑ Редакция. Классическая Lineage 2 потреплет нервы российским игрокам (руск.). https://kanobu.ru (4 верасня 2014). Архівавана з першакрыніцы 6 верасня 2017.
  5. ↑ а б Lineage 2 Essence : игра кредитов // Goha.ru
  6. ↑ Lineage II: The Chaotic Chronicle for PC (англ.). GameRankings. Архівавана з першакрыніцы 8 верасня 2019. Праверана 8 верасня 2019.
  7. ↑ Lineage II: The Chaotic Chronicle for PC Reviews (англ.). Metacritic. Архівавана з першакрыніцы 8 верасня 2019. Праверана 8 верасня 2019.
  8. ↑ Lineage II: The Chaotic Chronicle for Windows (2004) MobyRank (англ.). MobyGames. Архівавана з першакрыніцы 8 верасня 2019. Праверана 8 верасня 2019.
  9. ↑ Andrew Park. Lineage II: The Chaotic Chronicle Review (англ.). GameSpot (2 чэрвеня 2004). Архівавана з першакрыніцы 14 мая 2019. Праверана 8 верасня 2019.
  10. ↑ Allen. Lineage II: The Chaotic Chronicle - Page 1 (англ.). GameSpy (29 мая 2004). Архівавана з першакрыніцы 23 студзеня 2013. Праверана 8 верасня 2019.
  11. ↑ jkdmedia. Lineage II: The Chaotic Chronicle - PC - Review. GameZone (4 мая 2012). Архівавана з першакрыніцы 8 верасня 2019. Праверана 8 верасня 2019.
  12. ↑ Steve Butts. Lineage 2: The Chaotic Chronicle (англ.). IGN (19 чэрвеня 2004). Архівавана з першакрыніцы 8 верасня 2019. Праверана 8 верасня 2019.
  13. ↑ Adam Biessener, Matt Miller. Lineage II: The Chaotic Chronicle (англ.)(недаступная спасылка). Game Informer. Архівавана з першакрыніцы 14 кастрычніка 2008. Праверана 14 чэрвеня 2020.
  14. ↑ Miguel Lopez. Lineage II: The Chaotic Chronicle (PC) (англ.)(недаступная спасылка). 1up.com (11 чэрвеня 2004). Архівавана з першакрыніцы 26 чэрвеня 2004. Праверана 14 чэрвеня 2020.
  15. ↑ http://www.computerandvideogames.com/reviews/reviews_story.php?id=114663 (англ.)(недаступная спасылка). Computer and Video Games (15 лютага 2005). Архівавана з першакрыніцы 15 красавіка 2005. Праверана 14 чэрвеня 2020.
  16. ↑ Jonah Jackson. Lineage II: The Chaotic Chronicle (PC) Review (англ.)(недаступная спасылка). G4 Tech TV (6 ліпеня 2004). Архівавана з першакрыніцы 23 лістапада 2004. Праверана 14 чэрвеня 2020.
  17. ↑ Lineage II: The Chaotic Chronicle - руководство и прохождение игры, статьи, новости. ЛКИ. Архівавана з першакрыніцы 8 верасня 2019. Праверана 8 верасня 2019.
  18. ↑ Lineage II: The Chaotic Throne (англ.). Критиканство. Архівавана з першакрыніцы 14 чэрвеня 2020. Праверана 14 чэрвеня 2020.
  19. ↑ Lineage II: The Chaotic Throne - The Kamael (англ.)(недаступная спасылка). GameRankings. Архівавана з першакрыніцы 6 снежня 2019. Праверана 14 чэрвеня 2020.

Спасылкі

Content Disclaimer

Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.

  1. The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
  2. There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
  3. It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
  4. Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
  5. Responsible use. Any risk arising from the use of information from this website is entirely the responsibility of the user.