|
Estambul
Estambul (en turcu: İstanbul) ye la ciudá más grande de Turquía, y una de les más poblaes d'Europa, con 15 655 924 hab. (2023)[2][3]. Estambul ye tamién la capital alministrativa de la provincia del mesmu nome, na rexón de Rumelia o Tracia Oriental. Foi denominada Bizanciu hasta l'añu 330, y Constantinopla hasta 1453, si bien nel resto d'Europa caltuvieren esi nome hasta 1930, poco dempués de la declaración de l'Estáu turcu modernu. El nome Estambul fízose oficial el 28 de marzu de 1930. Hasta entós, pente'l periodu Otomanu, la ciudá nomábase oficialmente Qustantaniyyeh (قسطنطنيه) (Ciudá de Constantino, n'árabe), pero la población ya xeneralizara l'usu d'Estambul del griegu is-tan-polis (dir a la ciudá). El cascu vieyu de la ciudá ta mayoritariamente na oriella europea del Estrechu del Bósforo, si bien anguaño la ciudá espárdese pola oriella asiática, con distritos como Beyköz, Üsküdar, Kadiköy, Moda, Bostanci y Adalar. La so condición d'hestórica capital imperial (de Roma, nos tiempos de Bizanciu, y del Imperiu Otomanu, hasta'l comienzu del sieglu XX), fizo d'Istambul una de les ciudaes con un de los mayores padremuños históricos y culturales del mundiu. Ente los monumentos más destacaos y de valor destaquen l'Hipódromu, el templu d'Aya Sofía o la mezquita de Sultanahmet (nel actual distritu de Sultanahmet), la mezquita de Solimán (Süleymaniye), el palaciu de Topkapi, el palaciu Dolmabahçe, la torre Gálata o la cisterna calumbrada, ente otros. Anguaño, Estambul ye la capital cultural, económica y industrial de Turquía, si bien la capitalidá alministrativa afitóse en 1923 n'Ankara. Ente otros aspeutos, Estambul ye ún de los centros cabezaleros d'industria textil d'Europa, un centru portuariu estratéxicu, y el primer destín turísticu del país. Amás, caltién una docena d'universidaes y ye la sede del Patriarcáu Ecuménicu de Constantinopla, cabeza de la Ilesia Ortodoxa Griega. Llocalidaes hermaniaesLes ciudaes hermaniaes con Estambul son:
Referencies
Enllaces esternos
|
||||||||||||||||||||||||||||||||||||||||||||||||||||||||||
,_Flag_of_Syria_(1980%E2%80%932024).svg){kind=small}
