Ola T. Lånke

Ola T. Lånke
Fødd	18. mars 1948 (76 år) Rennebu kommune
Statsborgar av	Noreg
Parti	Kristeleg Folkeparti
Religion	Den evangelisk-lutherske kyrkja
Yrke	politikar, prest
Utdanna ved	MF vitskapeleg høgskule
Alle verv	stortingsrepresentant (1993–1997) ordførar i Rennebu (2011–2015) stortingsrepresentant (1997–2001) stortingsrepresentant (2001–2005) stortingsrepresentant (2005–2009)

Ola Torgeir Lånke (fødd 18. mars 1948) i Rennebu) er ein tidlegare norsk stortingsrepresentant (KrF) og prest. Han har graden cand.theol. frå Menighetsfakultetet 1977.

Han blei vald inn på Stortinget frå Sør-Trøndelag i 1993. Lånke fråsa seg gjenval i 2009. I si tid på Stortinget har Lånke arbeidd lengst og mest med kultur- og mediaspørsmål. Han var saksordførar for ulike saker som ABM-meldinga (arkiv, bibliotek og museum), for Operasaka i fleire omgangar, opprettinga av Digitalt bakkenett for fjernsyn og utflytting av statlege tilsyn mfl.

Før han blei vald til Stortinget, var han stiftskapellan med ansvar for personalspørsmål i Nidaros bispedømme. Han var medlem av Trondheim bystyre 1991–1993 (varamedlem 1987–1991). Frå 1975–76 var han leiar i KrFU. Han er gift med Berit Lånke, dagleg leiar for Nidaros Pilegrimsgård. Berit Lånke har òg presteutdanning og har vore nemnd ved fleire bispenominasjonar.

Lånke søkte i 2010 stillinga som fylkesmann i Sør-Trøndelag, men sjølv om han av nokre blei rekna som favoritt,^[1] fekk han ikkje denne posten da utnemninga fann stad 10. juni 2011.

Han var ordførar i Rennebu kommune frå 2011 til 2015.

• 2006–2009 visepresident i Lagtinget

• 1990: Politisk sekretær i Kultur- og kyrkjedepartementet

• 2006-2009 medlem av Kontroll- og konstitusjonskomitéen
• 2006-2009 medlem av Den utvida utanrikskomitéen
• 2005–2006 medlem av Kyrkje-, utdannings- og forskingskomitéen
• 2001–2005 medlem av Familie-, kultur- og administrasjonskomitéen
• 2001–2005 varamedlem av Valkomitéen
• 1997–2001 medlem av Familie-, kultur- og administrasjonskomitéen
• 1993–1997 sekretær i Kommunalkomitéen

• Biografi på nettstaden til Stortinget

1. ↑ [1]^{[daud lenkje]}