Milwaukee

Milwaukee
by
Milwaukee sentrum i 2023
Land	USA
Stat	Wisconsin
Del av	Southeast Wisconsin
Areal	250,849328 km²
Folketal	577 222 (1. april 2020)[1]
Milwaukee 43°03′N 87°57′W / 43.05°N 87.95°W / 43.05; -87.95
Wikimedia Commons: Milwaukee, Wisconsin

Milwaukee er ein by i delstaten Wisconsin i USA. Med sine 594 833 ibuarar er byen den mest folkerike i delstaten. Byen er administrasjonssenter for Milwaukee County. Byen ligg søraust i delstaten ved Michigansjøen, 130 km nord for Chicago.

Milwaukee huser universiteta Medical College of Wisconsin, UW-Milwaukee, Marquette University, MSOE og fleire andre college.

Området var opphavleg folkesett av urfolka fox, mascouten, potawatomi og winnebago. Bynamnet «Milwaukee» er ei forvansking ab det indianske «Millioke» som tyder 'godt land'. Franske misjonærar og handelsmenn var innom området på 1600- og 1700-talet. I 1818 flytta handelsmannen og politikaren Solomon Juneau inn i området, og i 1833 grunnla han ein by på austsida av Milwaukee-elva. Den byen vart slått saman med Kilbourntown i vest og Walker's Point i sør og danna då Milwaukee.

Mange tyske og nederlandske emigrantar slo seg ned i Milwaukee og deira kulturarv pregar byen også i vår tid.

I løpet av 1800-talet og første halvdelen av 1900-åra voks folketalet mykje, med innflytting av innvandrarar frå Sentral-Europa og svarte frå sørstatane. På 1950-talet budde om lag 750 000 menneske i byen. Tap av industriarbeidsplassar og utflytting til forstadene har gjort at folketalet i sjølv byen er redusert til under &00 000.

Vêrlaget i Milwaukee er sterkt påverka av det innlandsklimaet som råder i heile Midt-Vesten. I den kaldaste månaden januar er middeltemperaturen -3 grader Celsius, trass i at byen ligg på same breiddegrada som det nordlege Hellas og Tyrkia. I juli er middeltemperaturen 28 grader Celsius.

Den mest kjende industriverksemda i Milwaukee er bryggerigiganten Miller Brewing Company, men firmaet sysselset mindre enn ein prosent av arbeidsstokken. Totalt sett står industri for 22 % av sysselsettinga, godt over det nasjonale gjennomsnittet i USA.

Milwaukee er heim til selskap på Fortune 500-lista som Northwestern Mutual, WEC Energy Group, Rockwell Automation, og Harley-Davidson.^[2]

Sidan 1968 har Milwaukee husa musikkfestivalen Summerfest.^[3] Den tyske kulturfestivalen German Fest blitt halden i byen sidan 1981.^[4]

Milwaukee Journal Sentinel er einaste dagsavisa i byen og største avisa i Wisconsin. Ho kjem ut sju dagar i veka. Dessutan kjem vekemagasinet Shepherd Express ut.

I dei store nordamerikanske sportsligaene deltar Milwaukee Brewers i baseball, Milwaukee Bucks i basketball og Milwaukee Admirals i ishockey.

• Elizabeth Jordan (1865–1947), journalist, skribent, redaktør og aktivist
• Gene Wilder (1933–2016), skodespelar
• Al Jarreau (1940–2017), jazzmusikar
• Colin Kaepernick (f. 1987), aktivist og utøvar av amerikansk fotball^[5]

Commons har multimedium som gjeld: Milwaukee

• Offisiell nettstad