Leinesfjord

Leinesfjord
stad
Land	Noreg
Fylke	Nordland
Kommune	Steigen
Areal	0,27 km²
Folketal	251  (2023)
Folketettleik	930 / km²
Ferdselsårer	835
Leinesfjord 67°46′29″N 15°00′58″E / 67.7746°N 15.0161°E / 67.7746; 15.0161

Leinesfjord er administrasjonssenteret i Steigen kommune. Staden ligg på eit nes ved utløpet av Myklebostadelva, mot nord ligg fjordarmen Saursfjorden. Fjordarmen Botnfjorden ligg i sør. På staden finst eit vertshus, helsesenter, Knut Hamsun videregående skole avdeling Steigen, daglegvarebutikkar, kiosk og bensinstasjon. Fylkesveg 835 går gjennom staden og gjev samband med europaveg 6 i Hamarøy kommune. Ca. 1,5 kilometer langs FV835, sør for sentrum, ligg Leinesfjord kapell.

Leinesfjord er òg ein tettstad i følgje oversyn over tettstader hos Statistisk sentralbyrå. Staden har 251 innbyggjarar per 1. januar 2023.

Folketeljinga frå 1865 skildrar sju matrikkelgardar på staden med Myklebostad i gardsnamnet.^[1] På eldre kart finn ein bygda her namnsett som Myklebostad.^[2]

Tidlegare Leiranger kommune, 1900-1964, femna om området omkring den opne Leinesfjorden og skjergarden utanfor.^[3]

• Tettstader i Nordland

• «Lev i Steigen - Leinesfjord». Steigen kommune.