Kopervik

Denne artikkelen handlar om byen i Noreg. For vika i Antarktis, sjå Koppervik.

Kopervik
stad
Land	Noreg
Fylke	Rogaland
Kommune	Karmøy
Areal	7,73 km²
Folketal	11 690  (2023)
Folketettleik	1 512 / km²
Postnummer	4250 KOPERVIK
Ferdselsårer	47 511
Kopervik 59°17′00″N 5°18′00″E / 59.28333333°N 5.3°E / 59.28333333; 5.3
Wikimedia Commons: Kopervik, Karmøy

Kopervik er ein tettstad (by) og eit sokn i Karmøy kommune i Rogaland fylke. Kopervik har òg vore ein bykommune og ein heradskommune.

Tettstaden Kopervik er kommunens administrasjonssenter og har 11 690 innbyggjarar per 1. januar 2023. Han ligg om lag midt i kommunen ved Karmsundet.

Kopervik sokn har 8 555 innbyggjarar og tilhøyrer Karmøy prosti. Det blei oppretta 1855 ved frådeling av den sørvestre delen av Avaldsnes sokn.

Strandstaden Kopervik blei utskilt frå Avaldsnes kommune som ein ladestad (ein slags bykommune) i 1866. Den hadde då 737 innbyggjarar.^[1] I 1965, etter nesten eit sekel, blei Kopervik ladestad oppløyst, og gjekk in i den nyoppretta Karmøy kommune. Ladestaden hadde då 1 737 innbyggjarar.

Ladestaden Kopervik omfatta berre ein liten del av Kopervik sokn, og resten av soknet (landdistriktet) var fortsatt ein del av Avaldsnes kommune. Først i 1909 blei landdistriktet òg utskilt til eit eige herad (landkommune) med 1 001 innbyggjarar. Nemninga Kopervik herad blei i 1916 bytta til Stangaland herad for å unngå forveksling mellom dei to kommunane. I 1965 blei Stangaland herad oppløyst, og gjekk in i den nyoppretta Karmøy kommune. Heradet hadde då 2 678 innbyggjarar.

Folketalsutvikling for tidlegare Kopervik ladestad frå 1866 til 1965:

• Tettstader i Rogaland

• Eldre fotografi frå Kopervik på nettstaden til Nasjonalbiblioteket

• SSB: «Tettsteder og sentrumssoner. 1. januar 2005. Rogaland»

Denne geografiartikkelen som har med Rogaland å gjere, er ei spire. Du kan hjelpe Nynorsk Wikipedia gjennom å utvide han.