100-talet

< 100-talet > var ei stordomstid for Han-dynastiet i Kina, som utvida maktområdet sitt inn i Sentral-Asia i første delen av hundreåret, men var plaga av korrupsjon og opprør i andre halvdelen, og fall i byrjinga av det neste. Også Romarriket hadde ein stabil og god periode på 100-talet under fem gode keisarar, og nådde si største utstrekking under keisar Trajan. Den romerske freden tok slutt mot slutten av hundreåret, då den siste «gode keisaren», Marcus Aurelius, døydde i 180 og sonen Commodus tok over.

• Ptolemaios verka som vitskapsmann i Alexandria. Han skreiv fleire verk innan astronomi, geografi og musikk som skulle få stor innverknad på seinare muslimsk og europeisk vitskap.
• Bruk av dromedarar mogleggjorde transsaharahandel mellom Nord-Afrika og Afrika sør for Sahara.

• Byrjinga av Moche-kulturen i noverande Peru
• Mogollon-Hohokam i noverande USA

• Buddhistisk Gandhara-kunst hadde tydeleg gresk innverknad.
• Pandya-dynastiet herska i austre Sør-India.
• Tsjera-dynastiet hadde makta lengst sør i India (dagens Kerala).

• 122–132: Hadrians mur blei bygd på grensa mellom romersk England og Skottland.
• 132–135: Det jødiske Bar Kokhba-opprøret mot romarriket blei slått ned. Det førte til at jødane blei bortviste frå Jerusalem, som blei lagd i ruinar.
• Gundestrupkjelen, eit sølvkar med dekorasjonar frå keltisk mytologi som enda opp i Skandinavia, blei laga av keltarar i dette hundreåret.

Denne artikkelen om eit årstal er ei spire. Du kan hjelpe Nynorsk Wikipedia gjennom å utvide han. Sjå òg: Oversyn over årstalsspirer.