Grifformearde tsjerke (Grypskerk)

Grifformearde tsjerke
Lokaasje
provinsje	Grinslân
gemeente	Westerkertier
plak	Grypskerk
adres	Nicolaas Grijpstrjitte 24
koördinaten	53° 15' N 6° 18' E
Tsjerklike gegevens
tsjerkegenoatskip	PKN
Arsjitektuer
arsjitekt	H. Rots
boujier	1938
Webside
Side tsjerklike gemeente
Kaart

De Protestantske tsjerke oan 'e Nicolaas Grijperstrjitte is it tsjerkegebou fan 'e PKN yn Grypskerk yn 'e provinsje Grinslân.

De grutte byldbepalende sealtsjerke mei op de súdeastlike kant in klokketoer waard boud as grifformearde tsjerke en ferfong in âlder gebou oan 'e Legewei út 1901.

Yn desimber 2011 fusearren de Grifformearde Tsjerke Grypskerk, de Herfoarme gemeente Grypskerk (en omkriten) en de Grifformearde Tsjerke fan Pitersyl ta de Protestantske Gemeente Grypskerk en omkriten.^[1] Sûnt 2012 is de grifformearde tsjerke de tsjerke fan de PKN-gemeente fan Grypskerk.

De Herfoarme tsjerke is yn 2019 oerdroegen oan de Stifting Alde Grinslânske Tsjerken. Yn 'e Herfoarme tsjerke wurde troch de PKN noch wol tsjinsten holden. De Grifformearde tsjerke fan Pitersyl oan 'e Lauwerswei 8 is yn 2010 bûten gebrûk steld en neitiid ferboud ta wente.

Wat letter waarden ek de grifformearde tsjerken fan Kommersyl en Nijesyl sletten en sûnt hearre ek dy gemeenteleden by de PKN fan Grypskerk.

Doe 't de hjoeddeiske tsjerke boud waard, namen de grifformearden it pneumatyske oargel fan 'e firma Rohlfing (Osnabrück) út de âlde tsjerke mei. It waard yn 1966 ferfongen troch in hiele nij mechanysk ynstrumint fan 'e firma Ernst Leeflang.

• Disposysje oargel

Boarnen, noaten en/as referinsjes:

Reliwiki, oproppen 27 novimber 2020 ↑ Het Westerkwartier, 8 jannewaris 2012 Commons  Ofbylden dy't by dit ûnderwerp hearre, binne te finen yn de kategory Tsjerken yn Grypskerk fan Wikimedia Commons.