|
Unuiĝo de Patrolanda kaj Respublika Unio
La Popola Unio de Estonio (estone Isamaaliit, en iuj lingvoj ankaŭ latinigite tradukita Unio "Pro Patria") estis konservativa politika partio en Estonio, kiu jam dum la unua epoko de sendependa estona ŝtato inter la du mondmilitoj estis grava politika forto, kaj refondiĝis post la sendependiĝo de Estonio el Sovetunio kaj restarigo de sendependa estona ŝtato. La 4-an de junio 2006 ĝi unuiĝis kun la same konservativa partio Unio por la Respubliko - Res Publica (estone Ühendus vabariigi eest - Res Publica). Oficiale la kunfandaĵo nun nomiĝas Unuiĝo de Patrolanda kaj Respublika Unio (estone Erakond Isamaa ja Res Publica Liit). Laŭ la stato de printempo 2010, la unuiĝinta partio estas gvidata fare de Mart Laar. Internacie, la partio estas membro de la Centrodemokratia Internacio kaj la Internacia Demokratia Unio; en la Eŭropa Unio ĝi estas parto de la Eŭropa Popola Partio kaj la samnoma frakcio en la Eŭropa Parlamento. Ĝis la nacia parlamenta baloto de 2007, la partio havis 32 el la entute 101 seĝoj en la parlamento de Estonio, nomata Riigikogu, kaj per unu parlamentano estis reprezentita en la Eŭropa Parlamento. La rezulto de la baloto de 2007 estis malfavora por la unuiĝinta partio: ĝi ricevis nur 17,9 procentaĵojn de la voĉoj, perdo de 15 procentaĵoj, kaj ricevis nur 19 seĝojn en la parlamento de Estonio, perdo de 16 seĝoj. Tamen ĝi restas la tria plej granda parlamenta bloko en la parlamento. Eksteraj ligiloj |
||||||||||||||||||||||||||||||||||||||||||||||||||||||||||||||||||
