Senmakula koncipiĝo

Senmakula Koncipiĝo esprimas la katolikan dogmon, ke Sankta Maria estis koncipita sen la prapeko, do male al ĉiuj aliaj homoj neniam estis peka.

La dogmon promulgis papo Pio la 9-a je la 8-a de decembro 1854 en sia mesaĝo Ineffabilis Deus (ne [plene] komprenebla Dio):

Honore al la Sankta kaj Sendivida Triunuo, orname al la virga dipatrino, altige al la katolika kredo kaj kreskige al la kristana religio, aŭtoritate de nia Sinjoro Jesuo Kristo, de la beataj apostoloj Petro kaj Paŭlo kaj de la niaj Ni deklaras, promulgas kaj difinas: La instruo, ke la beatega virgulino Maria en la unua momento de sia koncipiĝo per unika graco kaj favoro de la ĉiopova Dio, konsidere de la meritoj de Jesuo Kristo, savinto de la homa gento, estis sendifekte ŝirmita de ĉia malutilo de la prapeko, estis revelaciita de Dio kaj pro tio firme kaj daŭre kredenda de ĉiuj kredantoj.

La promulgo de tiu dogmo metis formalan finon al jarcenta diskuto, kiel Maria, homo pekema kiel ĉiuj, povis naski Jesuon, savanton de la mondo. La diskuto fine temis pri la alternativo, ĉu Dio purigis ŝin el la peko aŭ dekomence protektis ŝin kontraŭ ĝi. Papo Siksto la 4-a en 1483 permesis al la kristanaro kredi je iu ajn el tiuj du ebloj, kaj la koncilio de Trento konfirmis tion. La festa enkonduko jam estis post la koncilio de Bazelo.

La tago de la promulgo, la 8-a de decembro, estas nun la katolika festo de la Senmakula Koncipiĝo. Hispanaj konkeristoj donis al pluraj urboj la nomon "Concepción" (= koncipiĝo).

• Fátima
• Lourdes

• http://www.vatican.va/archive/ENG0839/__PWK.HTM
• http://drbo.org/cgi-bin/d?b=drb&bk=49&ch=001&l=48
• http://www.ewtn.com/library/PAPALDOC/P9INEFF.HTM Arkivigite je 2013-03-14 per la retarkivo Wayback Machine
• http://www.vatican.va/archive/ENG0839/__P5.HTM