Rustostria strigo
 | ||||||||||||||
|---|---|---|---|---|---|---|---|---|---|---|---|---|---|---|
_no_Parque_Estadual_Intervales.jpg) | ||||||||||||||
| Biologia klasado | ||||||||||||||
| ||||||||||||||
| Strix hylophila (Temminck, 1825) | ||||||||||||||
| Konserva statuso | ||||||||||||||
 | ||||||||||||||
Aliaj Vikimediaj projektoj
| ||||||||||||||
Rustostria strigo (Strix hylophila, laŭ kio ankaŭ Arbara stristrigo) estas mezgranda strigo, tio estas birdospecio, fakte noktula rabobirdo, kiu apartenas al genro Strix, parto de pli granda grupo de noktulaj rabobirdoj konataj kiel Strigedoj, kiuj enhavas plej parton de la specioj nomataj strigoj. La alia grupo estas la turstrigoj, nome Titonedoj. Ĝi estas loĝanto en arbaroj de Sudameriko. Ĝi troviĝas en plej nordorienta Argentino, suda Brazilo (kie ĝi estas konata kiel Brazila strigo), kaj suda Paragvajo.[1][2][3]
Taksonomio kaj sistematiko
La Rustostria strigo estas unu el sep membroj de genro Strix troveblaj en Sudameriko, laŭ la Internacia Ornitologia Komitato (IOC).[1] Ĝi ŝajnas esti plej proksime rilatita al la Ĉakostrigo (S. chacoensis) kaj al la Rufpieda strigo (S. rufipes).[4][1][5][6][2] Ĉiuj tri havas voĉojn kiuj estas tre malsamaj de tiuj de aliaj Strix-strigoj kaj genetikaj studoj povas trovi ke ili apartenas al sia propra genro.[7] La Rustostria strigo estas monotipa.[1]
Aspekto
La Rustostria strigo estas proksimume 35 cm longa. Maskloj pezas 250 ĝis 340 g kaj inoj 275 ĝis 395 g. La specio havas helruĝecajn brunajn vizaĝdiskojn kun samcentraj pli malhelbrunaj ringoj kaj malgrandaj blankaj "brovoj". La supraj partoj de plenkreskuloj havas blankan, brunan kaj oranĝ-sablokoloran striecon. La brusto kaj flankoj estas oranĝecaj sablokoloraj kaj la ventro estas pli blanka; ambaŭ areoj havas malhelbrunaj strioj. La kruroj estas plumohavaj. La okuloj estas malhelbrunaj, la beko estas kornoflaveca, kaj la fingroj flavecgrizaj. Junuloj estas entute sablokoloraj kun malforta pli malhela strieco.[7]
Distribuado kaj habitato
La Rustostria strigo troviĝas en sudorienta Brazilo de Minas-Ĝerajso ĝis Suda Rio-Grando, en sudorienta Paragvajo, kaj en la ekstrema nordorienta Provinco Misiones de Argentino. Ĝi enloĝas la internon kaj randojn de diversaj arbarkovritaj pejzaĝoj inkluzive de monta, tropika ĉiamverda, kaj temperita arbaroj; duaranga arbaro; kaj pinoj. Ĝi povas esti trovita proksime al homa loĝejo. En alteco ĝi varias de marnivelo ĝis almenaŭ 1 000 m.[7]
Kutimaro
Movoj
Oni kredas, ke la rustostrigo estas tutjara loĝanto tra sia teritorio.[7]
Manĝado
La rustostrigo estas nokta ĉasisto. Kvankam ĝia dieto ne estis vaste studita, ĝi povas inkluzivi malgrandajn mamulojn, birdojn, kaj artropodojn, kaj verŝajne ankaŭ reptiliojn kaj amfibiojn. Unu studo en Brazilo trovis ke proksimume tri kvaronoj de la predo estis ronĝuloj, kaj marsupiuloj estis la plej granda parto de la alia kvarono. Ĝi foje manĝas en la arbarkanopeo.[7]
Reproduktado
La reprodukta sezono de la Rustostrigo ŝajnas esti inter aŭgusto kaj oktobro, kvankam ĝi ankaŭ estis raportita inter decembro kaj marto. Ĝi nestumas en kavaĵo en arbo. La ino kovas la ovodemetadon de du aŭ tri ovoj dum 28 ĝis 29 tagoj. Maskloj provizas la inon kaj idojn kaj laŭdire ankaŭ kovas idojn. Idoj forlasas la neston 32 ĝis 35 tagojn post eloviĝo kaj estas sendependaj proksimume tri monatojn post tio.[7]
Voĉo
La kanto de la rustostria strigo estas "ransimila profunda gruntanta 'grugruu-gruugrugru'." Ambaŭ seksoj kantas, foje duete. Ili ankaŭ faras "rrrrroh" kaj "long-skizitajn 'i-ju-eh'" vokojn.[7]
Statuso
La IUCN taksis la Rustostrian strigon kiel Malplej Zorgigan. Tamen, ĝi havas iom limigitan teritorion kaj ĝia populacio supozeble malpliiĝas pro habitatoperdo pro brulado kaj arbohakado.[8] Ĝi ja ekzistas en kelkaj protektitaj areoj.[7]
Notoj kaj referencoj
- ↑ 1,0 1,1 1,2 1,3 Owls (Januaro 2022). Alirita 15a de Januaro, 2022 .
- ↑ 2,0 2,1 HBW and BirdLife International (2020) Handbook of the Birds of the World and BirdLife International digital checklist of the birds of the world Version 5. Disponebla ĉe: [1] [.xls zipped 1 MB] Alirita la 27an de Majo 2021
- ↑ . Rusty-barred Owl - Strix hylophila. The Owl Pages (27a de Oktobro, 2020). Alirita 10a de Marto, 2022 .
- ↑ La IOC kaj la Sudamerika Klasigkomitato (SACC) de la Usona Ornitologia Societo metas sep sudamerikajn speciojn en Strix. Tamen, el tiuj sep, la Taksonomio Clements kaj la verko de BirdLife International nome Handbook of the Birds of the World (HBW) metas nur la Rustostrian, la Ĉakoan, kaj la Rufpiedan en Strix kaj la aliaj kvar en genron Ciccaba. Ĉiuj kvar taksonomioj inkludas kelkajn nordajn kaj mezajn amerikajn speciojn en Strix.
- ↑ Remsen, J. V., Jr., J. I. Areta, E. Bonaccorso, S. Claramunt, A. Jaramillo, D. F. Lane, J. F. Pacheco, M. B. Robbins, F. G. Stiles, kaj K. J. Zimmer. Versio de 31a de Januaro 2022. A classification of the bird species of South America. American Ornithological Society. [2] Alirita la 1an de Februaro, 2022
- ↑ Clements, J. F., T. S. Schulenberg, M. J. Iliff, S. M. Billerman, T. A. Fredericks, J. A. Gerbracht, D. Lepage, B. L. Sullivan, kaj C. L. Wood. 2021. The eBird/Clements checklist of Birds of the World: v2021. Elŝutita el [3] Alirita la 25an de Aŭgusto, 2021
- ↑ 7,0 7,1 7,2 7,3 7,4 7,5 7,6 7,7 Holt, D. W., R. Berkley, C. Deppe, P. L. Enríquez, J. L. Petersen, J. L. Rangel Salazar, K. P. Segars, K. L. Wood, kaj J. S. Marks (2020). Rusty-barred Owl (Strix hylophila), version 1.0. En Birds of the World (J. del Hoyo, A. Elliott, J. Sargatal, D. A. Christie, kaj E. de Juana, Editors). Cornell Lab of Ornithology, Ithaca, NY, USA. [4] Alirita la 10an de Marto, 2022
- ↑ BirdLife International (2022). “Rusty-barred Owl Strix hylophila”, IUCN Red List of Threatened Species 2022. Alirita 29a de Julio 2022..
- König, Claus; Weick, Friedhelm & Becking, Jan-Hendrik (1999): Owls: A guide to the owls of the world. Yale University Press, New Haven. (ISBN 0-300-07920-6)
Eksteraj ligiloj
| ||||||||||||||||||
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.