Leopold Kronenberg
Persona informo
Naskiĝo	15-an de oktobro 1890 (1890-10-15) en Bochnia
Morto	7-an de aŭgusto 1929 (1929-08-07) (38-jaraĝa) en Varsovio
Mortokialo	korinfarkto
Tombo	Tombejo de Bródno
Lingvoj	Esperanto • pola
Loĝloko	Bydgoszcz • Bochnia • Oświęcim • Krakovo • Varsovio • Chełm
Ŝtataneco	Pollando
Alma mater	Jagelona Universitato - klasika filologio, polologio (1910–1914)
Subskribo
Familio
Frat(in)o	Zofia Trybułowa
Edz(in)o	Michalina Kronenberg (1917–)
Okupo
Okupo	bibliotekisto (1920–) instruisto (1918–1919) kantotekstisto esperantisto politikisto opinia ĵurnalisto edukisto por plenkreskuloj poeto mezlerneja instruisto
v • d • r

Leopold Dominik KRONENBERG (15-a de oktobro 1890 en Bochnia, tiam Salzberg en Aŭstrio-Hungario – 7-a de aŭgusto 1929 en Varsovio) estis pola esperantisto kaj instruisto, post diversaj profesioj de 1921 okupis sin nur pri Esperanto.

Kronenberg eldonis multajn verkojn en la pola lingvo. Liveris al la pola literaturo pere de tradukado el la Esperanta: „Derviŝoj“ de Tigr Pogosian el la araba kaj novelojn de la hungara F. Herezeg. Estis kunlaboranto kaj eldonanto de polaj gazetoj. Kun Esperanto li konatiĝis en 1909. En 1912 akiris profesian diplomon ĉe Internacia Instituto de Esperanto. Samjare li eldonis lernolibreton por memlernantoj (33.000 e-roj). En 1912 li estis redaktoro de la ĉiutaga Kongresa Bulteno de la Universala Kongreso en Krakovo (kun Emil Pfeffer). Post la Unua mondmilito li reeldonadis sian lernolibron, gvidis kursojn en diversaj urboj, (ankaŭ en profesiaj societoj), veturis tra la tuta lando kun prelegoj. En 1926 la Pola Eksterlanda Ministerio aranĝis Esperantan Presservon (agentejon) kaj li estis ĝia gvidanto. Aperis de li pli ol 100 propagandaj artikoloj en la plej legataj polaj gazetoj, enkondukis en multajn revuojn sisteme kursojn de Esperanto. La lastajn jarojn de sia vivo li vivtenis sin nur per la Esperanta agado, kaj ekkonis la veran mizeron. Esperanto Triumfonta kaj Heroldo de Esperanto ofte publikigis liajn tre interesajn artikolojn. Entute: la plej aktiva Esperantisto en Polujo inter 1912 kaj 1929, neelĉerpebla, nelacigebla optimisto.

• Samouczek pomocniczego języka międzynarodowego esperanto – inter 1912 kaj 1927 kvar eldonoj^[1]
• Bohaterzy: poemat 1914 roku, Nowy Sącz 1916^[2]
• Utwory legionowe, Kozienice 1916^[3]
• Rada w Szczepanowie, Kraków 1916^[4]
• Adama Mickiewicza Konrad Wallenrod w opracowaniu scenicznem Leopolda Kronenberga. Kółko dramatyczne PPS w Orłowej, 1919^[5]
• Pieśń Wisły i inne utwory wierszem, Czeski Cieszyn 1922^[6]
• Szukanie ludzkości, Czeski Cieszyn 1922^[7]

• Memore pri prof. Leopold Kronenberg Arkivigite je 2025-04-26 per la retarkivo Wayback Machine – Pola Esperantisto, n-ro 4/1970
• Libroj kaj aliaj dokumentoj de kaj pri Leopold Kronenberg en la Kolekto por Planlingvoj kaj Esperantomuzeo Arkivigite je 2007-12-21 per la retarkivo Wayback Machine
• Nekrologo de Kronenberg en Pola Esperantisto
• Pollingva biografio de Kronenberg Arkivigite je 2018-10-15 per la retarkivo Wayback Machine en Interreta Pola Biografia Vortaro

Ĉi tiu artikolo baziĝas (parte aŭ tute) sur artikolo el la Enciklopedio de Esperanto. La originala teksto kontroleblas en interreta arkivo de la fonto.