Learning with Leeper


Learning with Leeper

Disvolvo Sierra On-Line
Eldoninto Sierra On-Line
Dato de lanĉo 1983
Platformo Apple II, ColecoVision, Commodore 64, 8-bitaj Atari-komputiloj, ZX Spectrum, Tandy 1000
Ĝenro Edukada videoludo
Ludomaniero Unuludanta
v • d • r

Learning with Leeper estas edukada videoludo evoluigita kaj eldonita de Sierra On-Line en 1983. Simile al Learning with FuzzyWOMP (1984), ĝi instruas kolorojn, nombrojn kaj la alfabeton al ludantoj.[1] Ĝi reuzas la ĉefan rolulon de la videoludo Lunar Leepers (1982) ankaŭ fare de Sierra On-Line.

Ludomaniero

La ludo estas ludata per stirstango. Ludantoj movas la piktogramon de Leeper tra la menu-ekrano por elekti ludeton.[2] La kvar disponeblaj ludetoj estas simbolitaj per hundo (kalkulado), balono (forma kongruigo), rano (man-okula kunordigo) kaj renversita farbujo (kreemo).[3] La ludo ne registras poentaron.[4]

Recenzo

Learning with Leeper estis bone ricevita kaj gajnis la premion de « Plej Bona Edukada Video/Komputilludo » okaze de la 5-aj Arkie Awards en 1984. La juĝistoj priskribis ĝin kiel « senpena maniero por junuloj lerni malfacilajn konceptojn kiel kalkulado kaj form-rekono ». Oni taksis, ke infanoj, kiuj ankoraŭ ne lernis legi, havos « bonan tempon » kun la ludo, kaj ke la sekcio « Pentraĵo » estus « instigo al junula kreemo ».[5] Personal Computing ankaŭ skribis, ke infanoj ĝuus la titolon,[6] dum Betsy Staples de Gifted Children Newsletter klarigis: « ĉiukaze, ni opinias [ĝin] bonega pakaĵo » pro sia estetike plaĉa aspekto, atent-kapto kaj eduka valoro.[6]

Math and Science for Young Children argumentas, ke la ludo povas esti uzata de infanoj por unu-kontraŭ-unu kinestezaj kaj percept-motoraj spertoj.[7] La gvidlibro Ready: A Commodore 64 Retrospective donis al la ludo maloftecan poentaron de 3, kaj historian gravecon « L ».[8] Reaching Students Through Computers: A New Therapy for Learning and Playing taksis ĝin « tre simpla programo ».[9]

Referencoj

  1. ↑ Ltd, Earl G. Graves. (1984-09-01) Black Enterprise (angle). Earl G. Graves, Ltd..
  2. ↑ Beaty, Janice J.. (1987-01-01) The Computer As a Paintbrush: Creative Uses for the Personal Computer in the Preschool Classroom (angle). Merrill Publishing Company. ISBN 9780675205238.
  3. ↑ (1983-01-01) Personal Computing (angle). Personal Computing Magazine.
  4. ↑ (1986-01-01) Software Reviews on File (angle). Facts on File, Incorporated.
  5. ↑ (February 1984) “Arcade Alley: The 1984 Arcade Awards, Part II”, Video 7 (11), p. 28–29. 
  6. ↑ 6,0 6,1 (1984-01-01) The Digest of Software Reviews: Education (angle). School & Home CourseWare, Incorporated.
  7. ↑ Charlesworth, Rosalind. (2012-10-22) Math and Science for Young Children (angle). Cengage Learning. ISBN 978-1133712060.
  8. ↑ Dillon, Roberto. (2014-12-03) Ready: A Commodore 64 Retrospective (angle). Springer. ISBN 9789812873415.
  9. ↑ (1985-03-01) “Reaching Students Through Computers: A New Therapy for Learning and Playing”, Journal of Reading, Writing, and Learning Disabilities International 1 (3), p. 61–83. doi:10.1080/0748763850010311. 

Eksteraj ligiloj

Content Disclaimer

Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.

  1. The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
  2. There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
  3. It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
  4. Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
  5. Responsible use. Any risk arising from the use of information from this website is entirely the responsibility of the user.