|
Eŭropa Futbal-Ĉampionado 1960
La fina parto de la 1-a Eŭropa Futbal-Ĉampionado (oficiala nomo "UEFA EURO" 1960 aŭ origine "Eŭropa Pokalo de Nacioj") okazis inter la 6-a kaj la 10-a de junio 1960 en du urboj de Francio, nome en Parizo kaj Marseille. La lando de la lastaj kvar matĉoj nur fiksiĝis kiam restis nur kvar konkursantaj teamoj el la komence 17 teamoj de la kvalifikiga fazo. En du paroj la teamoj interbatalis en la duonfinalo, la malgajnantoj de tiuj matĉoj konkuris pri la turnira tria pozicio, kaj la du gajnintaj teamoj de la duonfinalaj matĉoj, do la teamoj de Jugoslavio kaj Sovetunio, komparis siajn fortojn en la finalo, kiu okazis je la 10-a de junio 1960 en Parizo.
|
||||||||||||||||||||||||||||||||
