Cyclorrapha
Biologia klasado
Regno: Animaloj Animalia Filumo: Artropodoj Arthropoda Subfilumo: Heksapodoj Hexapoda Klaso: Insektoj Insecta Ordo: Dipteroj Diptera Subordo: Braĥiceroj Brachycera - "Muŝoj" Infraordo: Eremoneura (senranga familio) Cyclorrhapha David Sharp, 1894
Superfamilioj
Carnoidea (d) Conopoidea (d) Diopsoidea Ephydroidea Lauxanioidea Lonchaeoidea Nerioidea Opomyzoidea Sciomyzoidea Sphaeroceroidea Tephritoidea Muscoidea Oestroidea Hippoboscoidea
Aliaj Vikimediaj projektoj
Sistematiko en Vikispecioj
v • d • r

Cyclorrhapha estas senranga taksono de muŝoj en la infraordo Eremoneura aŭ Muscomorpha. Ili difiniĝas laŭ la maniero laŭ kiu la plenkreska muŝo eliĝas el sia pupa skeleto, forpuŝante rondan kovrilon. Ili distingiĝas de muŝoj, kiuj faras rektan fendon en la pupa skeleto (braĥiceroj neformale nomataj Orthorrhapha kaj ĉiuj nematoceroj). La nomo deriviĝis de la malnovgrekaj kyklo- "rondo, cirklo" kaj rhaphē- "kunkudro".^[1][2]. Ĝi inkludas pli ol 72 mil speciojn, t.e. la plejparton de la specioj de muŝoj.

Cyclorrhapha siavice dividiĝas en Aschiza, kaj Schizophora pro la ĉeesto ĉe Schizophora de fruntsako etendebla per enpremo de sango, per kiu la ĵus plenkreskinta besto forpuŝas la kovrilon de la pupa skeleto. La sirfedoj apartenas al Aschiza. La Schizophora dividiĝas en Calyptratae kaj Acalyptratae. Calyptratae estas distingebla pro la havo de skvameca organo nomata kaliptero sur la flugilo kaj inkludas tiel bone konatajn familiojn kiel Muscidae, Calliphoridae (d) kaj Tachinidae (d), dum Acalyptratae inkludas grandan diversecon de malgrandaj muŝoj.

Cyclorrhapha havas rimarkindajn evoluojn de la antaŭa parto de la ovo, ekzemple pro la rolo de la geno exu.^[3] La anatomio de la larvoj diversiĝis adapte al diversaj dietoj.^[4]

1. ↑ Borror, Donald J.. (2009) An Introduction to the Study of Insects, Sixth Edition. Saunders College Publishing, Harcourt Brace Jovanovich College Publishers, Philadelphia, p. 501, 548. ISBN 978-0-03-025397-3.
2. ↑ R. Lucius, B. Loos-Frank: Biologie von Parasiten. Berlin, Heidelberg, 2008, ISBN 978-3-540-37707-8, p. 485, 499.
3. ↑ Oliveira, J. L. de, Sobrinho-Junior, I. S., Chahad-Ehlers, S., & Brito, R. A. de. (2017). Evolutionary coincidence of adaptive changes in Exuperantia and the emergence of bicoid in Cyclorrhapha (Diptera) - Development Genes and Evolution. SpringerLink. [1]
4. ↑ Rotheray, G. E., & Gilbert, F. (2008). Phylogenetic relationships and the larval head of the lower Cyclorrhapha (Diptera). Zoological Journal of the Linnean Society, 153(2), 287–323. [2]