Taol-Stad Gouhere 1936 e Spagn

Taol-Stad Gouhere 1936 e Spagn
Stad Spagn betek ar 25 a viz Gouhere 1936
██ Takad emsavet ██ Takad republikan
Kenarroud
Deiziad	17-23 a viz Gouhere 1936
Lec'h	Spagn[n 1]
Brouderien	7 ofiser eus Lu Spagn[n 2]
Abegoù	Brete gladaozel • Brete relijiel • Brete sokial • Broadelouriezhoù • Dispac'h micherour • Displijadur al Lu
Mennozhioù	Broadelouriezh spagnol • Enepfrañmasonerezh • Enepkomunouriezh • Enepyuzevegezh • Faskouriezh • Katoligiezh • Mirouriezh • Unpennelouriezh
Gouarnamant kent
Stumm	Republik parlamantel
Penn	Manuel Azaña Díaz
Gouarnamant nevez
Stumm	• Takad emsavet : diktatouriezh vilourel • Takad republikan : republik parlamantel
Penn	• Takad emsavet : Miguel Cabanellas Ferrer • Takad republikan : Manuel Azaña Díaz
↑ Ha Cabo Juby, Ginea spagnol, Ifni, Maroko spagnol, Río de Oro, Saguía el-Hamra. ↑ Francisco Franco en o zouez.

Taol-Stad Gouhere 1936 e Spagn (spagnoleg : Golpe de Estado en España de julio de 1936) a reer eus un emsavadeg broadelour ha milourel evit skarzhañ gouarnamant Spagn ha reiñ lamm d'an Eil Republik spagnol. Faezhet e voe ar vilourien, ar pezh a gasas da Vrezel Spagn.

Daou du a oa deuet war wel : hini ar Vroadelourien, harpet gant ar virourien, ar roueelourien hag an Iliz, enebet ouzh ar Republikaned a oa harpet gant an tu kleiz pellañ (anveliourien ha komunourien. An taol-Stad gwirion a oa kroget da vat d'an 18 a viz Gouhere 1936, zoken pa oa emsavet Maroko spagnol d'ar 17.

Ur c'hwitadenn e voe an taol-Stad dre ma ne oa ket bet kemeret ar galloud gant an emsavidi met kentoc'h e oa bet degaset un troc'h el lu spagnol a-fed mestroniañ an tiriad. Diasur e oa trec'h ar vroadelourien er brezel, met dre ar mank a harp gant broioù ar C'hornôg, ha gant harp eeun broioù an Ahel d'ar vroadelourien, e voe trec'het garv ar Republikaned a-benn ar fin ha boulc'het ren Francisco Franco, deuet da vezañ penn Spagn ha lesanvet el caudillo, "ar c'habiten".