|
Marcus Tullius Cicero Marcus Tullius Cicero, pe Cicero, ganet e 106 kent J.-K. en Arpinum en Italia, ha drouklazhet e 43 kent J.-K. e Formia, a oa ur politikour roman hag ur skrivagner latin. Keodedour roman e oa, deuet eus ar vourc'hizelezh italian, ha neuze, dre ma ne oa ket ganet e-touez an uhelidi ne oa ket galvet da vezañ politikour, ne oa ket troet gant an arme, evel e gempredidi Pompeius ha Kaesar. Dre e stummadur retorikel, e studi war ar gwir, hag e ampartiz evel alvokad e teuas da gaout harperien a-walc'h evit gallout tizhout barr ar c'hargoù en 63 ha bezañ dilennet konsul. En ur Republik gwallgaset gant taolioù ar filouterien e tizarbennas irienn Catilina dre nerzh e brezegoù. Dic'houzouget e voe Cicero e-kichen e villa e Formia war urzh Marcus Antonius.
|
