|
C dans l'airC dans l'air a zo un abadenn-skinwel bemdeziek gall, enni divizoù skignet war-eeun bep abardaez eus al Lun d'ar Gwener war-dro 5e 45 war La Cinquième, deuet da vezañ France 5, abaoe ar 17 a viz Gwengolo 2001. Produet eo an abadenn gant Maximal Productions, ha kinniget e vez gant Caroline Roux hag Axel de Tarlé. Gant Yves Calvi e voe kinniget etre 2001 ha 2016. Pennreolenn an abadennDindan 65 minutenn e vez komzet eus sujedoù ar c'heleier hag an nevezenti dre ar bed (politikerezh, kevredigezh, ekonomiezh...). War ar bladenn skinwel e vez eus tri betek c'hwec'h den arbennik war ar sujed hag a zo pedet, gante alioù disheñvel evit ma c'hellfe chom neptu an tabut. Teir c'helaouadenn a vez e-pad an abadenn evit skeudennaouiñ sujed ha tabut an deiz. Pedet e vez ar bellarvesterien da gas goulennoù dre internet pe dre SMS e-pad an abadenn. Goude pep kelaouadenn e vez kemeret ur goulenn kaset gant an arvesterien. Ar pemzek munutenn ziwezhañ a vez gouestlet evit respont d'ar goulennoù dibabet er re kaset gant an dud. En un doare digoust e vez adskignet an abadenn war lec'hienn internet France 5 e-pad ur sizhunvezh goude ar skignadur orin. Aotreet e vez ivez an dud da adimplijout an abadenn er skolioù. SkignadurSkignet e vez an abadenn eus al lun d'ar Gwener tro 5e45 war France 5, hag adskignet tro 10e30 ha diouzh mintin goude tro 6e. Posupl eo ivez mont da welet an abadenn war lec'hienn internet France 5 e-pad ur sizhunvezh. War-eeun e vez an abadenn, ha padout a ra 65 munutenn. IstorE miz Gouere 2006 e oa Thierry Guerrier (eilrener France Info e oa d'ar mare-se) oc'h erlec'hiañ Yves Calvi evit kinnig C dans l'air. E distro-skol miz Gwengolo 2006 e kuitaas Thierry Guerrier France Info evit dont da vezañ joker Yves Calvi, ez ofisiel, pa ginnige hemañ Mots croisés war France 2 (bep pemzektez d'al Lun) pe e-pad e vakañsoù. D'ar 25 a viz Gwengolo 2006 e lidas an abadenn C dans l'air he 1 000vet niverenn[1]. D'an 12 a viz Ebrel 2010 e voe skignet an abadenn niverenn 2 000, gant tem gwallzarvoud karr-nij ar prezidant polonat e Smolensk ha Polonia[2]. Rekordoù deglevRekord deglev C dans l'air a voe d'an 3 a viz Mae 2007 gant un abadenn gouestlet d'an tabut etre div dro an dilennadeg evit ar prezidant gall e 2007. 1,7 milion a dud o doa sellet ouzh an abadenn-se, da lavaret eo 16,8% eus al lodennoù marc'had[3]. D'ar 14 a viz Here 2009 e voe un deglev mat-tre gant an abadenn anvet « Sarko & fils », diwar-benn an afer Jean Sarkozy. Hervez Médiamétrie e oa 1,39 milion a dud o sellet ouzh an abadenn, da lavaret eo 13% eus an dud dirak o skinwel[4][5]. An dodennoùEn abadenn ez eus kaoz eus holl sujedoù pouezus ar c'heleier gall hag etrevroadel, gant un ersavusted efedus. Ar sujedoù-se a zo liesseurt-tre :
An dud pedetEn abadenn e vez tud o tont alies evit komz eus sujed-mañ-sujed. Setu ul listenn eus ul lodenn eus an dud-se hervez an temoù :
PrizioùE 2005 he deus resevet an abadenn ul Laurier de l'information roet gant al Lauriers de la radio et de la télévision, hag a ro ur priz bep bloaz d'an abadennoù a gemer perzh e kresk ar sevenadur hiniennel. Kondaonidigezh el lezvarnDa heul abadenn an 11 a viz C'hwevrer 2005, gant an anv « Délinquance, la route des Roms », e voe tamallet C dans l'Air gant c'hevredigezhioù ar Romed, ar MRAP, al LICRA hag al Ligue française pour la défense des droits de l'homme et du citoyen, evit bezañ graet ur gourmesk etre ar Romed hag ar felliezh. Lavaret a raent e voe lavaret « Porajmos » (komzoù a-enep d'an dziganed) gant an dud pedet, ha ne oant ket laouen eus ar pezh en doa kinniget Yves Calvi, da lavaret eo e vefe eus ar Romed un aozadur aozet a glaskerien vara. Daveoù
Liammoù diavaez
|
