Brave (film, 2012)

Brave (Kalonek) a zo ur film tresadennoù-bev hir^[1] saoznek ar skeudennoù sintetek anezhañ, sevenet gant an tri filmaozer stadunanat Mark Andrews (1968-), Brenda Chapman (1962-) ha Steve Purcell (1961-).

Produet gant Pixar Animation Studios e voe skignet gant Walt Disney Pictures, evit ar wech kentañ, d'an 10 a viz Mezheven 2012^[2] e Seattle (Washington)^[3] (Stadoù-Unanet Amerika). Trizekvet film bevaat ar Studioioù Pixar e oa, war-lerc'h Cars 2 (e miz Mezheven 2011) hag a-raok Monsters University (e miz Mezheven 2013).

Merida, merc'h roue Bro-Skos, a zo ur plac'h yaouank herrus hag he deus c'hoant da vezañ gwaregerez, ar pezh nac'het gant he mamm. Un dibab graet ganti a laka rouantelezh he zad Fergus en arvar. Rankout a ra Merida ober ur veaj en natur evit kompren ar gwir galon.

• Kelly Macdonald : Priñsez Merida,
• Julie Walters : ar sorserez,
• Billy Connolly : ar roue Fergus,
• Emma Thompson : ar rouanez Elinor,
• Kevin McKidd : Lord MacGuffin ha MacGuffin yaouank,
• Craig Ferguson : Lord Macintosh,
• Robbie Coltrane : Lord Dingwall,
• [...].

• (en) Tañvadenn ofisiel ar film.